УИХ-ын Эдийн засгийн байнгын хорооны хуралдаанаар Эдийн засгийг сэргээх 10 их наядын төгрөгийн цогц хөтөлбөрийн хэрэгжилтийн талаар мэдээлэл сонсож байна.

Хөтөлбөрийн хэрэгжилтийн танилцуулгыг Сангийн дэд сайд С.Мөнгөнчимэг танилцуулсан. Тэрбээр "2021 онд хэрэгжүүлсэн төлөвлөгөөний биелэлт 89 хувьтай байна. Ажлын байрыг дэмжих хөтөлбөр нь аж ахуйн нэгжүүдэд бодитой нөлөөлж байгаа. Иймд Засгийн газраас энэ хөтөлбөрийг үргэлжлүүлэх чиглэлээр бүх хүчээрэй ажиллана" гэлээ.

Энэ Эдийн засгийн байнгын хорооны дарга Ж.Ганбаатар дэд сайдад сануулга өгөв. Тэрбээр "Танилцуулгатай холбоотой материал өнөө өглөө тараасан. Дөнгөж материал тараачихаад дүгнэт гаргаад өг гэж болохгүй. Бид долоо хоногийн өмнө хурлаа хийсэн" хэмээн анхааруулав.

УИХ-ын гишүүн Ц.Даваасүрэн: Уншиж танилцаж байж тодруулах юм байна. Энд ажлын хэсэг гаргах нь зүйтэй. 10 их наяд гээд л яриад байна. Тойрогтоо ажиллахаар энэ мөнгө хаагуур яваад өнгөрчихсөн бэ гээд асуугаад байна. Туслаад өгөөч гэх юм. Туслахаар ЖДҮ болчих гээд байгаа. Хуучин зээлд хүүгийн хөнгөлөлт үзүүлсэн үү. 60 гаруй тэрбум зарцуулсан гэж байна. Их мөнгө шүү. Та нар өөрсдөө сайхан юм яриад байдаг. Зээл авсан 20 гаруй мянган аж ахуйн нэгжийнхээ мэдээллийг гаргаад итгэл үнэмшил төрүүлээд өгөөч.