УИХ-ын гишүүн Н.Ганибал, Ш.Адьшаа, Т.Доржханд нар Үндсэн хуулийн цэцэд Засгийн газрын сайд нарын "давхар дээл"-ийн асуудлаар гомдол гаргасан. Тодруулбал, гишүүд Улсын Их Хурлаас 2019 оны арваннэгдүгээр сарын 14-ний өдөр баталсан Монгол Улсын Үндсэн хуулийн нэмэлт, өөрчлөлтийн Гуравдугаар зүйлийн 10 дахь заалтаар Монгол Улсын Үндсэн хуулийн Гучин есдүгээр зүйлийн 1 дэх  хэсгийг “... Засгийн газрын дөрвөөс илүүгүй гишүүн Улсын Их Хурлын гишүүний албан тушаалыг хавсарч болно гэж өөрчлөн найруулсан нь  Үндсэн хуулийн Оршил болон холбогдох заалтыг  зөрчиж байна гэж гомдол гаргасан юм. 

Өнөөдөр Цэцийн дунд суудлын хуралдаанаар дээрх асуудлыг хэлэлцэхээр товлосон ч хуралдааны товыг хойшлуулжээ. Бид энэ талаар УИХ-ын гишүүн Н.Ганибалаас тодруулахад "Цэцийн дунд суудлын хуралдааны тов хойшилсон нь үнэн. Хуралдаанаас гарсан шийдвэрийн дараа дэлгэрэнгүй мэдээлэл өгнө" гэв.