УИХ-ын чуулганы өнөөдрийн хуралдаанаар Коронавируст халдвар /КОВИД-19/-ын цар тахлаас урьдчилан сэргийлэх, тэмцэх, нийгэм, эдийн засагт үзүүлэх сөрөг нөлөөллийг бууруулах талаар чиглэл өгөх тухай" хуульд нэмэлт, өөрчлөлт оруулах хуулийн төслийг хэлэлцэж байна. Хэлэлцэж байгаа асуудалтай холбоотойгоор гишүүд асуулт асууж, хариулт авч байна.

УИХ-ын гишүүн Д.Ганбат: Энэ хуулийг сунгамааргүй байна. Эрүүл мэнд, эмнэлгийн ажилтны өмнөөс ямар анхаарал тавьсан юм. Цалингаа нэмүүлнэ гээд санал тавихаар нь та нар ингэж болохгүй гээд дарамтлаад оруулсан. Тэр хүмүүсийн гавьяаг духан дээрээ наачихсан. Тэгээд Цар тахлын хуулиараа үүнийгээ халхалдаг.

Шадар сайд С.Амарсайхан: ЭМД-ын тухай хууль шинээр хэрэгжиж эмнэлгүүд гүйцэтгэлээрээ цалинждаг болсон. Зарим ахиц дэвшил та бидний баталсан хуулиар гарч байгаа. Болж өгвөл эмч нарын тоог нэмж, цалин хөлсийг нь нэмэгдүүлмээр байна. Харамсалтай нь, төсөв хөрөнгө нь хязгаартай. Засгийн газар эмч нарын цалинг нэмэх, илүү цагийн урамшуулал олгох зэрэгт анхаарч байгаа.