УИХ-ын чуулганы үдээс хойших хуралдаан эхэллээ. 

Энэ үеэр УИХ-ын гишүүн Н.Алтанхуяг "Ковидын хуулиар далимдуулж төрийн албанд баахан хүмүүс авсан. Гэтэл Ардчилсан намынхан төрийн албанд сураг ч гүй болоо биз. Ийм ялгавар манай нийгэмд бий болчихлоо. Ардчилсан намын үнэртэй, ээж, аав нь энэ намд байсан гэдэг ч ю уу тийм хүмүүс нь ч хусуулаад дууслаа. Би Ерөнхий сайд байхдаа Ардын намынхныг ялгаварлаад байсан зүйлгүй. Бас энэ тендер байна. Мэдлэг чадвартай хүмүүсээ төрийн албанд авахгүй мэдлэг чадвар нь унаж байна. Ингээд хэвлэл мэдээлэлд өөрийгөө магтан дуулагч нарт их хөрөнгө зарцуулж байна. Загас толгойноосоо өтгө гэдэг л болж байна даа" гэв.

ХНХ-ын сайд А.Ариунзаяа "Төрийн албаны тухай хууль намын харъяалал харгалздаггүй. Тиймээс намаар нь ялгаж байгаа гэх мэдээлэл байхгүй" гэх хариулт өглөө.