УОК-ын шуурхай штабын нарийн бичгийн дарга Ц.Баярхүү өнөөдөр мэдээлэл хийлээ. Тэрбээр “Гадаадаас ирсэн иргэд 10 хоног гэртээ тусгаарлагдаж байгаа. Дөрөв дэх өдөр нь шинжилгээ хийнэ. Үүнээс 37 эерэг тохиолдол илэрсэн. Үндсэндээ 200 гаруй тохиолдол гадаадаас зөөвөрлөгдөөд байна. Омикрон хувилбарын дэгдэлтийг дотооддоо тараахгүй байх, эрсдэлийг бууруулах чиглэлээр санал тавьж, УОК-оос тогтоол гарсан. Гадаадаас ирсэн иргэдийг энэ сарын 25-аас эхлэн гурав хоногийн хугацаанд зочид буудалд тусгаарлана. Нэг хүнээс гурван шинжилгээ авч байж гэртээ харих боломж нь бүрдэнэ. Бид омикроны дэгдэлтийг дотооддоо тараахгүй, хянаж чадсанаараа хязгаарлалт тогтоохгүй иргэд, аж ахуйн нэгжүүдийн үйл ажиллагаа, өрхийн орлого нэмэгдүүлэх ажлаа чөлөөтэй явуулах нөхцөл бүрдэнэ. Омикрон манайд орж ирэх нь цаг хугацааны асуудал гэдгийг өмнөх туршлагаасаа харж байгаа. Тиймээс аль болох эрсдэлийг бага хохиролтой даван туулах, бууруулах зорилготой” гэлээ.