Монгол Улсын дээд шүүх өнөөдөр нийт шүүгчийн хуралдаанаа хийхээр товлосон.

Тус хуралдаанаар АН-ын даргаар хэнийг бүртгэх тухай асуудлыг хэлэлцэх юм.  АН өмнө нь УИХ-ын гишүүн О.Цогтгэрэл, М.Тулгат нарыг намын даргаар бүртгүүлэх хүсэлтээ Улсын дээд шүүхэд хүргүүлж байсан. Гэвч Дээд шүүх тэднийг хэнийг нь ч бүртгэхээс татгалзаж, дотоод маргаанаа шийдвэрлээд дахин хандахыг зөвлөсөн юм. Харин энэ удаад О.Цогтгэрэл, М.Тулгат нар нэгдэж "Хуульд нийцэж байгаа нэгнийг маань намын даргаар бүртгэж өгнө үү" гэсэн хүсэлтийг Улсын дээд шүүхэд хүргүүлээд байна