Э.Бат-Үүл, Б.Чулуудай нарын 11 хүнд холбогдох шүүх хурал долоо хоног үргэлжилж, өчигдөр шүүхийн шийдвэр гарсан. Шүүхийн шийдвэрээр УИХ-ын асан Э.Бат-Үүлд дөрвөн жилийн хорих ял оноож, баривчилсан. Үүнтэй холбоотойгоор Ардчилсан намынхан С.Зориг агсны хөшөөнд жагсаж байна. Энэ үеэр С.Эрдэнэ “Манай улсад шударга ёс байна уу гэдэгт эмзэглэж байна. Нэг хэсэгт нь хууль үйлчилдэг. Нөгөө хэсэгт нь үйлчлэхгүй байхад тэмцэхээс өөр аргагүй. Эрх баригч намын олон гэмт этгээдүүд байгаа. Тэднээс ял авч байгаа нь хэд бол. Би Э.Бат-Үүлийг гэм буруу хийсэн байхад нь өмөөрөөд байгаа юм биш. Ардчиллын туг, сүлд болсон хүнд ял өгч хэнийг айлгаж байгаа юм бэ. Хоёрдугаарт, нээлттэй шүүх хурал явуулж, гэм бурууг нь тогтоох байсан. Хэн нэгнийг өмгөөлөх гэж Ардчилсан нам жагсаагүй. Гэхдээ Э.Бат-Үүлд гавьяа бий. Нийслэлийг хөгжүүлж болдог юм гэдгийг харуулж чадсан.  Шударга ёс хүний эрхийн төлөө жагсаж байна” гэлээ.