Шүүхээс  УИХ-ын гишүүн асан Э.Бат-Үүлийг гэм буруутайд тооцож, дөрвөн жилийн хорих ял оноосонтой холбогдуулан түүний  хүү Б.Чулуудай мэдээлэл хийлээ. Тэрбээр “Өнөөдөр аавыг минь хилс хэрэгт гүтгэлээ. Хийгээгүй, огт оролцоогүй, өөрөө ч мэдээгүй байсан хэргийнхээ төлөө, хохиролтой гээд нийслэлийн удирдлагуудаас нэхэмжлэл гаргасны дагуу дөрвөн жилийн ял өгчихлөө. Миний хэргийг харин хэрэгсэхгүй болгочихлоо. Би аавынхаа төлөө эцсээ хүртэл тэмцэж, давж заалдана. Үнэхээр шударга бус байна.

    Аав маань “Хэрэг, хохирол хоёрыг над дээр  зохиолоо. Шударга ёсны төлөө тэмцэнэ. Шүүхийн хараат бус байдлын төлөө тэмцэнэ. Гэр хорооллынхоо төлөө тэмцэнэ. Би улс төрийн тэмцэл хийж байх хугацаандаа хэнийг ч гүтгэж, гутаан доромжилж байгаагүй. Монголын ардчилал ялна” гэж хэлүүллээ. Миний аав 30 гаруй жил энэ улс орны төлөө тэмцсэн. Бид заавал ялна” гэв.