Улсын Их Хурлын ээлжит чуулган болж байна. Энэ үеэр УИХ-ын гишүүн Г.Тэмүүлэн" Хүнд үйлдвэрийн тухай хуулийн төсөлтэй холбогдуулж, хойшлуулах санал гаргаж байна. Өнөөдөр Монгол Улсын хэмжээнд үйлдвэрлэгч нараа дэмжих, тэдэнд учирч байгаа хүндрэл бэрхшээлийг шийдвэрлэх гарц шийдлийг хайх зайлшгүй хэрэгтэй. Тэр дундаа манай улсын хувьд хүнд үйлдвэрлэл байхгүй болчихоод байгаа юм. Тэгэхээр байхгүй зүйлээ бий бологохын тулд бодитоор хууль эрхзүйн орчин талаасаа дэмжлэг үзүүлсэн, татварын орчинг сайжруулсан, үйлдвэрлэгч нарт тулгарч буй газрын харилцаа, барилгын норм зэрэг бүх талын асуудлыг цогцоор нь шийдвэрлэх шаардлага байна.

    Засгийн газрын 2024 он хүртэлх үйл ажиллагааны хөтөлбөрт ч энэ асуудал туссан байгаа юм. Боловсруулах, баяжуулах, цэвэршүүлэх үйлдвэрийг бий болгох зэрэг асуудал ч яригдана. Тэгэхээр өнөөдөр Засгийн газраас оруулж ирсэн Хүнд үйлдвэрийн тухай хууль Үйлдвэрчдийн байнгын хороогоор энэ долоо хоногт хэлэлцсэн ч энэ асуудал дэмжлэг авалгүйгээр унасан. Тэгэхээр энэ асуудалд бид нухацтай хандаж, гарц шийдлийг хайж, Засгийн газар, Улсын Их Хурлын түвшни ойлголт зайлшгүй хэрэгтэй байна.