УИХ-ын гишүүн Ц.Туваан мэдээлэл хийлээ. Тэрбээр "Би "Нас барсан өндөр настны тэтгэврийн зээлийг чөлөөлөх тухай хуулийн төсөл байна" санаачилсан юм. Монгол Улсад өнөөдрийн байдлаар 450 мянган тэтгэвэр авагч бий. Үүнээс нас барсаны дараа  тухайн хүн зээлтэй байх юм бол тухайн зээлийг гэрийнхэн нь төлдөг байдлаар шийдэгдээд явж байгаа. Банкаас зээл авахаар тухайн өрхийн хэн нэгэн заавал батлан даагч болж байдаг. Тэгэхээр тухайн хүн нас барсан тохиолдолд тэр зээл ар гэрийнхэн нь төлдөг. Тэгэхээр хүмүүс талийгчаа алдсан ажил явдалтай энэ үед тэр зээлийг төлөх, дээрээс нь нас барсны гэрчилгээ авахын хувьд тухайн хүний зээлийг төлж байж авдаг учир энэ зээлийг чөлөөлөх нь зүйтэй гэсэн хуулийн төсөл байна.

    Энэ бол анх удаа хийгдэж байгаа арга хэмжээ биш. Монгол Улсын Ерөнхийлөгч асан Х.Баттулгын санаачилгаар тэтгэврийн зээлийн үлдэгдлийг тэглэж байсан. Нийтдээ бол 450 мянган зээл авагчийн 240 мянган тэтгэвэр авагчийн 760 гаруй тэрбум төгрөгийн зээлийг тэглэсэн. Мөн тэтгэврийн зээлгүй байсан 210 гаруй мянган тэтгэвэр авагчид сая төгрөгний буюу нийтдээ 900 агран тэрбум төгрөгийн асуудлыг шийдэж өгсөн. Өнөөдрийн байдлаар Монгол Улсад бүрэн тэтгэврйин доод хэмжээ 350 мянга, хувь тэнцүүлсэн тэтгэврийн доод хэмжээ 300 мянга орчим байгаа. Тэгэхээр юмны үнэ өссөн энэ үед тэтгэвэр авагчдын маань тэтгэвэр амжиргаанд нь хүрэлцэхгүй асуудал үүсэж байна. Иймээс энэхүү хуулийн төслийг санаачилсан" гэв.