Хууль зүй, Дотоод хэргийн дэд сайд Б.Солонго мэдээлэл хийлээ. Тэрбээр "Рио Тинто групптэй хийх яриа хэлэлцээр маань үргэлжилж байна. Энэ оны аравдугаар сарын 21-ны өдөр манай ажлын хэсгийн ахлагч Хууль зүй, дотоод хэргийн сайд  Х.Нямбаатарын нэр дээр Рио Тинто компаниас албан бичиг ирж байсан. Ингэхдээ манай 34 хувьд ногдох өрийн 70 хувь буюу 1,6 тэрбум ам.долларыг тэглэе гэдэг санал ирсэн. Арваннэгдүгээр сард бид яриа хэлэлцээрээ үргэлжлүүлээд, өрөө 100 хувь тэглүүлэх шаардлагыг тавьсан байгаа. Өнөөдрийн байдлаар манай  улсын эхний ээлжид тавьсан саналыг хүлээж авч байна. Бид цаашид яриа хэлэлцээрээ үргэлжлүүлнэ.

  Мөн үргэлжлүүлээд дубайн гэрээг ямар нөхцөлөөр дуусгавар болгох уу. Цаашлаад хөрөнгө оруулагч болон хувь нийлүүлэгчдийн гэрээнд ямар хэмжээнд өөрчлөлт оруулж байж маргаан үүсгэхгүй, аль болох ойлголцоод, урт хугацаанд харилцан ашигтай хамтрах нөхцөлийг бүрдүүлж ажиллах чиглэлд ажиллаж байна. Эхний ээлжид 34 хувьд ногдох өрөө тэглэхээ илэрхийлсэн байна. Тэгээд гүний уурхай ашиглалтад орох хүртэл бол нэмж өр үүсэхгүй" гэв.