МАН-ын Их хурал намын даргад нэр дэвшүүлэх үйл ажиллагааг зохион байгуулж байна. Тус намаас Ерөнхий сайд Л.Оюун-Эрдэнийг намын даргад нэр дэвшүүлж буйгаа мэдэгдэж, Ерөнхий нарийн бичгийн дарга Д.Амарбаясгалан танилцууллаа. Тэрбээр "МАН-ын дарга гэдэг эрх барьж байгаа намын хувьд улс орон, ард иргэдийн хувьд чухал, хүнтэй хүн байх ёстой. Тиймээс МАН улс орны тогтвортой байдал ард түмнийхээ өмнө амласан амлалтаа хэрэгжүүлэх, нийгэмд тулгамдаад байгаа асуудлыг харгалзан үзэх ёстой. МАН дүрмийн дагуу намын даргыг сонгоно.Өнөөдөр 30 дугаар Их хуралд Ерөнхий сайд Л.Оюун-Эрдэнийг нэр дэвшүүлж байна.

       Түүнийг энэ оны зургадугаар сарын 25-нд намын 11 дүгээр Бага хурлын дагуу намын дүрмийн дагуу сонгож баталгаажуулсан. Өнөөдөр бид Их хурлаараа дахин баталгаажуулах сонголт хийж байгаа юм. Ерөнхий сайд Л.Оюун-Эрдэнэ гэхээс илүү МАН-ыг удирдаж яваа залуу улстөрч гэж боддог. Том бодлого гаргаж, зорилгодоо хүрэхийн төлөө жижиг асуудлыг ч тэсэж чаддаг хэмээн журмын нөхрийн хувьд үнэлж явдаг. Тиймээ намын даргад Ерөнхий сайд Л.Оюун-Эрдэнийг дэмжиж өгнө үү" гэлээ.