Монгол ардын намын 30 дугаар хурлын үеэр Сангийн сад Б.Жавхлан мэдээлэл өглөө.

Тэрбээр "Өнөөдрийн Монгол Ардын намын их хурал дээр намын дарга Л.Оюун-Эрдэнийн тавьсан илтгэлд дурьдсанаар өнгөрсөн 100 жилд Монгол Улс маань тусгаар тогтнолыг дэмжиж хөгжсөөр ирлээ. Харин ирэх 100 жил тусгаар тогтнолын зуун жил байх болно хэмээн дурдсан. Эдийн засгийн тусгаар тогтнол бол өнөөдрийнхтэй харьцуулахад илүү хүчирхэг, нийгмийн дундаж давхрага дээр суурилсан. Гадаад бодлого, төлбөрийн тэнцэл, хөрш орнууд төдийгүй дэлхийн бүх улстай харилцан ашигтай ажиллаж өсөлтийг бий болгоно. Энэхүү өсөлт нь нийт ард түмэнд хүртээмжтэй байж, олон тулгуурт эдийн засгийн бүтэцтэй болно гэж бид тодорхойлсон.

   Бидний эхний 20 жилд хийх зүйл маань сүүлийн хагас жилд болсон эдийн засгийн шижлжилтийн өнөөдрийг хүртэлх олон сорилтын дунд бий болсон, цаашид эдийн засаг, нийгмийн хөгжилд хязгаарлаж байгаа зургаан хүчин зүйлийг л судалгааны үндсэн дээр, олон эрдэмтдийн ажиллагааны үр дүнд ингэж тодорхойлж, зургаан үндсэн зүйлийг зарласан байгаа.

     Үүнд, нэгдүгээрт, Зам тээвэр сэргээлт, Эрчим хүчний салбарын сэргэлт, аж үйлдвэрийн салбарын сэргэлт, хот хөдөөгийн хөгжлийн сэргэлт, ногоон хөгжлийн сэргэлт, эдийн засаг, нийгмийн хөгжлийн хамгийн том хязгаарлах хүчин зүйл болоод байгаа төр өөрөө, төрийн бүтээмжийн сэргэлт гэж тодорхойлсон байгаа. Ингэснээр дотоодын бүтээгдэхүүн маань дор хаяж хоёр дахин нэмэгдэнэ. Нэг хүнд ногдох үндэсний орлого 2-3 дахин нэмэгдэнэ. Экспорт 3-5 дахин нэмэгдэнэ гэж үзэж байгаа.  Ингэснээр бид бүс нутгйин төдийгүй,  коронавирусийн дараах үсрэнгүй эдийн засгийн хөгжилтэй хөл нийлүүлж хөгжих болно гэж тодорхойлж байгаа" гэв.