МАН-ын 30 дахь их хурал өнөөдөр хуралдааны нэгдүгээр хэсэг дууслаа. Энэ үеэр МАН-ын бүлгийн дарга Д.Тогтохсүрэн “МАН-ын ээлжит 30 дугаар хурал үйл ажиллагаагаа эхэллээ. Намын нийт гишүүдийг төлөөлсөн 1245 төлөөлөгч хуралд оролцож байна. Үүнээс гадна 200 гаруй гишүүн, хүндэттэй зочид урилгаар оролцож байгаа. Нийт Их хурлын төлөөлөгчдийн 44 хувь нь анх удаагаа Их хуралд оролцож байна. Шинэчилсэн бүрэлдэхүүнтэй Их хурал болж байгаа юм. Үдээс хойших хуралдаанаар Намын даргыг сонгож, батлах болно. Маргаашийн хуралдаанаар намын дүрэмд орох өөрчлөлт, намын мөрийн хөтөлбөрийг шинэчлэх асуудал, УИХ-ын даргаас тавьж хэлэлцүүлэх парламентыг төлөвшүүлэх илтгэлийг хэлэлцэнэ” гэв.