Өмнөд Африкийн Бүгд Найрамдах Улсын мэргэжилтнүүд коронавирусийн олон мутацтай, шинэ хувилбарыг илрүүлснээ өчигдөр зарласан. Тэгвэл уг шинэ хувилбарыг ДЭМБ “аюултай” ангилалд оруулж, “Омикрон” үсгээр нэрлээд байгаа юм. Ерөнхий сайдаас өгсөн чиглэлийн дагуу Улсын Онцгой комисс өнөөдөр 11:00 цагаас цаг үеийн асуудлаар хуралдлаа.

Шадар сайд С.Амарсайхан “Хилээ бүрэн хааж байгаа улс орон байхгүй. Харин шинэ хувилбар бүртгэгдсэн газруудаас ирэх нислэгийг хориглосон. Тийм учраас Монгол Улс хилээ бүрэн хаахгүй. Эрсдэлтэй бүсээс ирж байгаа иргэдийг 10 хоног тусгаарлана” гэлээ