УИХ-ын гишүүн Т.Доржханд Сонгуулийн холимог систем рүү шилжих үндэслэл, шаардлагын талаар мэдээлэл хийлээ.

    Тэрбээр “Төсөв дөнгөж хэлэлцэгдээд арав хонож байна. Төсвийн хэлэлцүүлгийн үеэр Монгол Улсын татвар төлөгчдийн үнэ хаашаа очдог юм бэ, цаашид энэ байдлаараа явах юм уу гэдэг олон асуулт иргэдээс ирж байна. Харин үүнийг яаж өөрчлөх, гарц шийдэл нь юу вэ гэдэг дээр маш олон нийгмийн идэвхтэй хэсэг маань байр сууриа илэрхийлж байна. Үүн дээр бидний хувьд улсын их хуралд төлөөлөлтэй намын хувьд, нөгөө талд улс орны эдийн засгийн асуудлыг цаашид яаж шийдэх вэ гэдэгт илүү их оролцоотой зохион байгуулж байна.

  Бид 30 жилийн хугацаанд улсын төсвийн хөрөнгөөр томоохон хэмжээний бүтээн байгуулалт хийж чадсангүй. 10 сая доллараас дээш бүтээн байгуулалт сүүлийн 20 жилд хийгдээгүй байна. Эх үүсвэрүүд нь 76 тойрог руу тараагдаж, тэндээ цемент, хөшөө дурсгал, соёлын төв болдог. Ерөөс ийм байдлаар явж ирлээ. Иймд үзэл бодлоо илэрхийлж байгаа иргэдтэй хматран энэ асуудалд анхаарлаа хандуулая” гэв.