2022 оны улсын төсвийг УИХ-аар хэлэлцүүлэн батлахдаа Соёлын сайдын багцад 32 тэрбум төгрөгний төсөвт өртөг бүхий хөшөө цогцолборын төсөл тусгасан.

      Тодруулбал, Чингэлтэй дүүргийн тавдугаар хорооны нутаг байрлах Тасганы овооны дээр "Богд Зонхова"-ын цогцолбор хөшөөг барихаар барилгын ажлыг нь эхлүүлсэн бөгөөд  цогцолборын ажилд ирэх жил нийт 32 тэрбум 490 сая 800 мянган төгрөг тусгасанд олон нийт дургүйцэж буй. Энэ төслийг анх 2021 оны улсын төсөвт 5.5 тэрбум төгрөгийн төсөвтэй суулгасан ч төсөвт өртөг нь 2022 онд  27 тэрбумаар нэмэгдсэн байна. Дээрх төслийн ажил өнгөрсөн зун эхэлсэн ч, ямар комани ажил үүрэг гүйцэтгэж байгаа нь тодорхойгүй байгаа юм. 

Энэ талаар бид төрийн худалдан авах ажиллагааны газрын холбогдох мэргэжилтнээс тодруулахад "Дээрх төслийн ажил манайхаар зарлагдаагүй. Бидэнд энэ талаарх мэдээлэл алга" гэх тайлбарыг өглөө.