УИХ-ын гишүүн асан Д.Кёкүшюзанбатбаяр  нарт  холбогдох хэргийн гэм буруугийн шүүх хуралдааныг 2021 оны арваннэгдүгээр сарын 18-ны өдрийн 10:00 цагт буюу өнөөдөр товлосон байсан. Гэвч шүүгдэгч  Д.Кёкүшюзанбатбаяр,  Т.Баясгалан нарын  өмгөөлөгч Э.Энххэрлэн, Г.Баяржаргал нар Баянгол дүүргийн шүүхэд явагдаж буй 30 шүүгдэгчтэй шүүх хуралдаанд оролцож байгаа, хохирогчийн хууль ёсны төлөөлөгчийн өмгөөлөгч Э.Билгүүн, мөн өмгөөлөгч Г.Должинсүрэн, Ж.Оюунболд нарын  шүүх хуралдаан давхардсан тухай баримт ирүүлжээ. Улмаар дээрх шалтгаануудыг харгалзан шүүх хуралдааныг 2021 оны арваннэгдүгээр сарын 30-ны өдрийн 09.00 цагт товлож,  шүүгдэгч нарт урьд авсан  таслан сэргийлэх  арга хэмжээг  хэвээр үргэлжлүүлэв.

 

Эх сурвалж: Баянгол, Хан-Уул, Сонгинохайрхан дүүргийн Эрүүгийн хэргийн анхан шатны шүүхийн тамгын газар