Засгийн газрын ээлжит хуралдааныг өнөөдөр өргөтгөсөн байдлаар зохион байгууллаа. Энэ үеэр Сангийн сайд Б.Жавхлан Замын-Үүд боомтод ажилласан талаар мэдээлэл хийв. Тэрбээр "Эрээн хотод сүүлийн хэд хоног халдвар илэрсэнгүй. Эрээн хотын боомтын удирдах ажилтнуудаас манайд ирүүлсэн санал хүсэлт байна. "Ковид-19"-ийн халдвар илрэхгүй 20 хоновол хилээ нээж, хил дээр түгжигдсэн бараа материалаа татах талаар хоёр тал ярилцсан. Мөн жолооч нарын хувьд ачилт нь бага зэрэг хумигдах, дотоодын тээвэр лүү шилжих шаардлага үүсэх нь.

       Гашуунсухайт боомтын хувьд тээвэрлэлтийн нөхцөл байдал нь журамлагдаж, харьцангуй зохион байгуулалтай болсон. Чингэлэг, терминалын ажил туршилтын төвшинд өнгөрсөн долоо хоногоос амжилттай эхэлсэн. Ямар ч байсан өдөртөө 500-600 тээврийн хэрэгсэл нүүрс зөөгөөд эхэлсэн. Өнгөрсөн хэдэн саруудаа бодвол ахицтай байгаа гэж ойлгож болно. Бид 2022 онд экспортын боломжоо өндөр тавьж байгаа. 2019 онд нүүрсний экспорт  хамгийн өндөр хэмжээнд  буюу 36.7 сая тонн хүрсэн. Ядаж энэ хэмжээнд хүргэхээр зорилт тавьсан" гэлээ.