УИХ-ын гишүүн Б.Дэлгэрсайхан БНХАУ-ын иргэнийг зодож, гэмтээсэн гэх мэдээлэл өнгөрсөн шөнөөс эхлэн цахим сүлжээнд тараад буй. Тухайлбал, БНХАУ-ын хөрөнгө оруулалттай зам гүүрийн компанийн инженер залууг албан өрөөндөө дуудаж авчраад зодсон гэх мэдээлэл цацагдаад байгаа юм. Энэ талаар ЦЕГ-аас “ЧД-ийн цагдаагийн хэлтэс шалгаж байгаа” гэх мэдээлэл өгөөд байгаа. Тэгвэл УИХ-ын гишүүн Б.Дэлгэрсайхан өөрөө дээрх мэдээллийг үгүйсгэж тайлбар хийжээ. 

 

Тодруулбал, тэрбээр “Би БНХАУ-ын зам гүүрийн компанитай холбоогүй. Тэр хүнийг би огт танихгүй. Цагдаагийн байгууллага шалгаж байгаа болохоор хариу гарахыг нь хүлээе. Та нар манайг харж байгаа байх. Хөл муутай, таяг тулаад хэчнээн сар явж байгаа хүн яаж хүн зодох вэ. Энэ бол худлаа мэдээлэл” гэжээ.