Б.ЭНХ-АМГАЛАН: Хувь хүнийг гүтгэж, доромжилсон тохиолдолд тэр нь хэзээ ч засагддаггүй

2021-11-09, 362

УИХ-ын Хууль зүйн болон Инновац, цахим бодлогын байнгын хорооны өнөөдрийн хамтарсан хуралдаанаар Хүний хувийн мэдээлэл хамгаалах тухай, Кибер аюулгүй байдлын тухай, Цахим гарын үсгийн тухай хуулийн шинэчилсэн найруулгын төслийн хамт хэлэлцэж байна. Хуулийн төсөлтэй холбоотой гишүүд асуулт асууж, хариулт авч байна.

УИХ-ын гишүүн Б.Энх-Амгалан: Гүтгэлэг, доромжлолтой холбоотой заалт Эрүүгийн хуульд оруулах саналтай байна. Хувь хүнийг гүтгэж, доромжилсон тохиолдолд тэр нь хэзээ ч засагддаггүй. Хувь хүний захидал, чат, мессенжер, фэйсбүүкийн мэдээлэл, хувийн гэрэл зураг гээд хувийн мэдээлэл нь гараад байдаг. Үүний аюулгүй байдлыг хэрхэн хангах вэ. Хэвлэл мэдээллийн байгууллага олж байгаа мэдээллээ заавал эзнээс нь зөвшөөрөл авахгүй гэчихээд нөгөө талаараа мэдээлэл цуглуулах боловсруулах, ашиглах хэрэглэхэд аюулгүй байдлыг нь ямар байдлаар хангахаар тусгаж байгаа вэ. Хүний нэр төр, удам судар, албан тушаал, үзэл бодолтой холбоотой гүтгэлэгт ямар зохицуулалт хийж байгаа вэ

УИХ-ын гишүүн Н.Учрал: Мэдээлэл боловсруулах үүргийг гэрээний үндсэн дээр мэдээлэл боловсруулагчид шилжүүлж болно гэсэн заалт байгаа. Мэдээллийн аюулгүй байдлыг хангахад үнэлгээ хийх, журам зааварчилгааг мөрдөх зэрэг таван арга хэмжээг тусгаж өгсөн. Үүнээс гадна дөрвөн ажлын хэсэг байгуулсан. Ирэх долоо хоногт Кибер аюулгүй байдлын хуулийн анхны хэлэлцүүлгийг хийхээр төлөвлөж байна. Энэ хуулиар кибер аюулгүй байдлын тогтолцоог маш тодорхой болгож өгч байгаа. Тэгэхээр төрийн болон хууль хяналтын байгууллага ямар үүрэг хүлээх, төрийн болон хувийн мэдээллийг хэрхэн хамгаалахыг энэ хуулиар тодорхой болгож байгаа. Ингээд кибер аюулгүй байдлыг хангах, тогтлцоог боловронгуй болгоно.

Б.ЭНХ-АМГАЛАН: Хувь хүнийг гүтгэж, доромжилсон тохиолдолд тэр нь хэзээ ч засагддаггүй

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.