Эдийн Засгийн хөгжлийн яам байгуулах талаар Улсын Их Хурлын гишүүн Н.Наранбаатар саналаа илэрхийллээ. Тэрбээр “Эдийн Засгийн хөгжлийн яам байгуулахыг дэмжиж байна. Тус яамны эрх, үүргийг нэмэх ёстой гэсэн гишүүдтэй санал нэг байна.

Одоо харин төсвөөс харж байхад бэлгэдлийн чанартай, сайдын тоог нэмэх гэсэн зүйл л харагдаж байна. Бусад эдийн засгийн хөгжлийн хэлтэс, газруудыг энэ яамандаа харьяалуулаад, төсөв, орон тоог нь нэмээд явах нь зүйтэй байх. Эдийн засгийн хөгжлийн яамны томоохон нэг ажил нь бүсчилсэн хөгжлийн бодлого төлөвлөлт байх ёстой.

Мөн чөлөөт бүс, хилийн боомтын бодлого төлөвлөлт гэж орж ирж байна. Энэ зүйл бол сүүлийн жилд орхигдсон. Манай боомтуудын өнөөгийн нөхцөл байдал ямар байгаа билээ. Тэгээд төсөв дагаж орж ирж байгаа хуулиудад хилийн тухай хуулинд ирэх оны нэгдүгээр сарын 1-нээс эхлэн боомтын захиргаа байгуулна гэсэн байна. Мөн энэ яам байгуулагдсантай холбоотойгоор орон нутагт ямар байх вэ. Засаг даргын Тамгын газрын хөгжлийн бодлого төлөвлөлтийн хэсэг дээр нэг орон тоо нэмбэл их зүгээр” гэв.