Улсын Их Хурлын намрын ээлжит чуулганы хуралдаанаар Засгийн газрын бүтцийг нэмэх асуудалд Улсын Их Хурлын гишүүд санал солилцлоо.

Энэ үеэр Улсын Их Хурлын гишүүн Д.Тогтохсүрэн “2022 оны улсын төсөвт Эдийн засгийн хөгжлийн яамыг 87 орон тоотой байхаар төлөвлөсөн байна билээ. Нэмээд Сангийн яамнаас тодорхой чиг үүрэг, хүн хүч ирэх болов уу гэж бодож байна.

Энэ яам бол бодлогын яам байна. Харин яамыг бэхжүүлэх гэдэгтэй санал нэг байгаа юм. Гэхдээ энэ яамд төсөв жаахан бага тавигдсан. Тухайлбал, Ойн агентлагт 12.7 тэрбум төгрөг тавьсан байгаа. Гэтэл энэ яамны төсөв таван тэрбум төгрөг байгаа юм. Тэгэхээр яамны төсвийг бэхжүүлж, анхаарал хандуулах нь зүйтэй” гэлээ.