Улсын Их Хурлын намрын ээлжит чуулганы үеэр Улсын Их Хурлын гишүүн Г.Тэмүүлэн “Монгол Улсын Засгийн газрын бүтэц бүрэлдэхүүнтэй холбоотой асуудлыг зарчмын хувьд дэмжиж байгаа. Тэр дундаа хөгжлийн яам байгуулах асуудлыг бид зөв статус, эрх үүргийн хуультай хийх ёстой гэж харж байна.

Энэ хүрээнд хэлэлцүүлгийн явцад байнгын хороонд макро эдийн засгийн бодлогын судалгаа, төлөвлөлт, эдийн засгийн бодлого, хөрөнгө оруулалт, гадаад худалдааны бодлого гэх зэрэг гол том бодлогын асуудал бий. Эдийн засгийн хөгжлийн яамд монгол төрийг нэгтгэх, улсын бодлогыг нэгтгэх бодлого байх ёстой. Энэ хүрээнд хөгжлийн яамыг байгуулах нь зөв. Төсвийн байнгын хорооноос чиглэл өгч, энэ ажлыг залруулах ёстой” гэлээ.