Улсын Их Хурлын намрын ээлжит чуулганы нэгдсэн хуралдаан өнөөдөр боллоо.

Энэ үеэр Засгийн газрын бүтцэд өөрчлөлт оруулах асуудалд УИХ-ын гишүүн Ц.Даваасүрэн “Яам байгуулж болно. Гэхдээ нэг зүлийг анхаарах хэрэгтэй. Өнөөдөр салбаруудыг мэргэжилтнүүд удирдахаас мэргэжлийн сайд гэж байхгүй болсон. Мэргэжлийн бус хүн учир шийдэл гаргаж чаддаггүй.

          Ялангуяа, мэргэжлийн яам дээр үнэхээр чадахгүй байгаа. Гэхдээ манай улстөрчид мэдэхгүй, чадахгүйгээ огт мэддэггүй. Бүгд л сайд болно гээд улайраад гүйцгээдэг. Үүнээс болж яамд бүтэлгүйтдэг. Өмнө нь хөгжлийн яам байгуулсан. Гэсэн ч барилга байшин, замын уулзвар барьсаар байгаад дууссан. Ийм байдлаар яам нэмэх бол төсвийн үрэлгэн зарлага болно. Өмнө нь уг нь салбарын шилдгүүд очиж ажилладаг байсан. Иймээс шилдгүүд л очих хэрэгтэй. Хэрэв 200 хүнээс доош бүтэцтэй байгуулбал энэ яам явахгүй” гэв.