Нийслэлийн Засаг даргын нэгдүгээр орлогч Р.Чингис өөрийн хүсэлтээр үүрэгт ажлаасаа чөлөөлөгдсөн.

Тэгвэл түүний оронд өнөөдөр нийслэлийн Хүний хөгжил, нийгмийн бодлого хариуцсан төслүүдийн орлогч Ж.Сандагсүрэнг томилохоор болсон байна. Мөн Ж.Сандагсүрэнгийн оронд нийслэлийн Агаарын бохирдол хариуцсан төслүүдийн удирдагч З.Төмөртөөмөө ажиллахаар болсон байна.

Ж.Сандагсүрэн нь 2016-2020 онд Сонгинхайрхан дүүргийн Засаг даргаар ажиллаж байсан бөгөөд 2020 онд НОК-ийн дарга, нийслэлийн Хөгжлийн бодлогын асуудал хариуцсан нэгдүгээр орлогч  даргаар ажиллаж байсан юм.