УИХ-ын гишүүн Б.Пүрэвдоржийг эрх мэдэл, албан тушаалын байдлаа урвуулан ашиглаж, улсад их хэмжээний хохирол учруулсан гэх үндэслэлээр хууль хяналтын байгууллагаас шалгаад багагүй хугацаа өнгөрч байна. Түүнд холбогдох хэргийг шалгаж, Нийслэлийн прокурорын газраас Эрүүгийн хэрэг үүсгэж,  яллах дүгнэлт үйлдээд байгаа аж. Ялагдагчаар татах тухай тогтоолыг Б.Пүрэвдоржид танилцуулж, гарын үсэг зуруулсан байж болзошгүй гэх мэдээлэл хэвлэл мэдээллийн хэрэгслээр цацагдаад байна.

Бид энэ талаар УИХ-ын гишүүн Б.Пүрэвдоржтой холбогдож, тодруулахад “Надад үйлдсэн яллах дүгнэлттэй би танилцаагүй байна. Яллах дүгнэлттэй танилцаагүй учраас тайлбар өгч чадахгүй байна” гэв.