“Рио Тинто”-гийн Зэсийн группийн захирал захирал Б.Болд болон тус компанийн Монгол дахь салбарын захирал Х.Амаржаргал нартай өнөөдөр Засгийн газраас байгуулсан Ажлын хэсгийнхэн уулзалт хийлээ.

 

“Рио Тинто”-гийн Зэсийн группийн захирал Б.Болд “Хөндлөнгийн шинжээчдийн дүгнэлтийн зарим хэсгийг хүлээн зөвшөөрч байгаа. Мэдээж ярилцах зүйлё бий. Ажлын хэсэгтэй яриа хэлэлцээ хийж байгаа учраас нарийн мэдээлэл өгөх боломжгүй байна. Манай компани мэдээллээ илүү нээлттэй болгох, менежментийн хариуцлагын тогтолцоог сайжруулах тодорхой саналуудыг хэрэгжүүлэх гээд явж байна. “Рио Тинто”-гийн талаас бодитой саналуудыг тавьсан. Үүнээс яриа, хэлцлийн явцад сайжруулах, хүлээж авах уу, үгүй юү гэдэг олон асуудал байна. Санал тавьсан нь өмнөх гэрээг муу байсан гэж хүлээн зөвшөөрч байгаа хэрэг биш” гэлээ.