ТАНИЛЦ: Догоо зааны хүү, охин, хүргэн, бэрүүдийн 76 КОМПАНИ, ТББ

Б. Цогтбаяр:
Улс төр

2021-10-26, 10818

"ЭНЭХҮҮ НИЙТЛЭЛ НЬ ХЭН НЭГ УЛС ТӨРЧ, АЛЬ НЭГ НАМ ЭВСЛИЙН ЗАХИАЛГА, УЛС ТӨРИЙН АШИГ СОНИРХОЛ АГУУЛААГҮЙ БОЛНО" - ЭРГЭЛТ.МН МЭДЭЭЛЛИЙН САЙТЫН РЕДАКЦ

Эргэлт.мн мэдээллийн сайт Монголын нөлөө бүхий, “хүчирхэг” гэгдэх, эсрэгээрээ сайнаасаа саараар илүү дуулдаж байдаг гэр бүлүүдийн мэдлийн компаниудыг цувралаар танилцуулах гэж байна. Улс төр, бизнесийн “акул”-ууд хамаг боломжийг хамаарал бүхий этгээдүүддээ тараагаад өгчихдөг болсон энэ цагт тэр томчуудын, тэдний хамаарал бүхий этгээдүүдийн мэдлийн аж ахуйн нэгж, компаниудын ядаж нэрийг нь мэдэж байх нь иргэдийн мэдэх эрхийг хангасан мэдээлэл байх болов уу, гэсэн зорилготой юм.

Энэ удаад бид үндэсний бөхийн улсын заан Д.Долгорсүрэн хүү, охин, хүргэн, бэрүүдийн “мэдлийн” компани, Төрийн бус байгууллагуудыг танилцуулахаар бэлтгэлээ.

Эднийхнийг ихэнх хүмүүс таних хэдий ч эхлээд цухас танилцуулах нь зүй байх. Ид зодоглож байхуйдаа “Догоо заан” гэж алдаршсан Донровын Долгорсүрэн, Хадын Пүрэвбадам нар дөрвөн хүү, нэг охинтой. Том хүүг нь хүмүүс төдийлөн сайн мэдэхгүй буюу дүү нараа бодвол “чимээгүй” амьдардаг хэдий ч цагтаа бас л ноцолдож явсан гэдэг. Түүнийг Д.Сугаррагчаа гэдэг. Харин удаах хүү нь Д.Сумъяабазар. Үндэсний бөхийн улсын аварга, УИХ-ын гишүүн асан, Уул уурхай, хүнд үйлдвэрийн сайд асан, Нийслэлийн Засаг дарга бөгөөд Улаанбаатар хотын захирагч. Гурав дахь хүү нь мэргэжлийн сүмогийн их аварга, Монгол Улсын гавьяат тамирчин, Хөдөлмөрийн баатар Д.Дагвадорж. Бага хүү нь үндэсний бөхийн улсын начин, холимог тулааны “Хөх чоно” хочит Д.Сэржбүдээ. Харин ганц охиныг нь Д.Ичиноров гэдэг.

Бөхийн таримал удамтай тэд 2000 оны эхэн, дунд үед үндэсний бөхийн зүлэг ногоон дэвжээ, алс Японы сүмогийн дэвжээд ид шуугиулж байсан бөгөөд залгаад улс төр, бизнесийн “дэвжээ”-нд гарцгаасан билээ. Ингээд тэд болон тэдний хамаарал бүхий этгээдүүдийг компаниудыг танилцуулъя.

“ХАДАГТАЙ” Х.ПҮРЭВБАДАМ НЭГ КОМПАНИ, ДӨРВӨН ТББ-ТАЙ

Д.Долгорсүрэн зааны гэргий, Хотын дарга, Хөдөлмөрийн баатрын ээж Хадын Пүрэвбадам гуай нэр дээрээ нэг компани, дөрвөн төрийн бус байгууллагатай. Тухайлбал, хуулийн этгээдийн улсын бүртгэлд Хадын Пүрэвбадамын нэр дээр “Монголын үндэсний цирк” ХХК, “Монголын уран нугаралтын Аса академи” ТББ, “Монголын мэргэн гольф” ТББ, “Хунчир хөгжил хүрээлэн” ТББ, “Ээж цэцэрлэгт хүрээлэн” ТББ тус тус бүртгэлтэй байдаг ажээ.

ХОТЫН ДАРГА ДОЛГОРСҮРЭНГИЙН СУМЪЯАБАЗАР НЭГ КОМПАНИ, ДӨРВӨН ТББ-АА НЭР ДЭЭРЭЭ ҮЛДЭЭЖЭЭ

Д.Долгорсүрэн зааны хоёр дахь хүү Д.Сумъяабазар 2008 онд НИТХ-д төлөөлөгчөөр сонгогдон улс төрд хөл тавьж байв. Түүнээс хойш 13 жил улс төр хөөхдөө эд хөрөнгөтэй, эрх мэдэлтэй болж “хүчирхэгжжээ”. Хуулийн этгээдийн улсын бүртгэлд Долгорсүрэнгийн Сумъяабазарын нэр дээр “Үндэсний хөрөнгө оруулалтын банк” ХХК, “Монголын спортын барилга байгууламж холбоо” ТББ, “Монголын энх тайван найрамдлын байгууллага” ТББ, “Асашёорюү” ТББ тус тус бүртгэлтэй байна. УИХ-ын гишүүнээр улиран сонгогдох бүрдээ эзэмшлийн компаниудаа хамаарал бүхий этгээдүүдийнхээ нэр дээр шилжүүлсээр одоо яаж ч бултаад нэрнээс нь салахгүй энэ хэдэн компани, ТББ-ыг л нэр дээрээ үлдээжээ.

Харин УИХ-ын гишүүн байхдаа тэрбээр, “Баянгол зочид буудал” ХК, “Мориен ресурс” ХК, “Эрдэнэс таван толгой” ХК, “Нэйшнл фанд менежмент” ХХК, “Эс Эм Ди Ди капитал” ХХК, “Эрдэнэ ресурс деволопмент” ХК-иудад хувь эзэмшдэг хэмээн хөрөнгө орлогын мэдүүлэгтээ дурдаж байв.

НИЙСЛЭЛИЙН ТЭРГҮҮН “ХАДАГТАЙ” Ч.МИЧИДМАА “ГАНЦХАН” ТББ-ТАЙ

Хотын дарга Д.Сумъяабазар, Монголын сайхан бүсгүй титмийн эзэн, Ардын зураач, Соёлын гавьяат зүтгэлтэн Чуваамидийн охин Мичидмаа нар 1998 онд гэр болсон. Хөлс ханхлуулсан бөх байхаас нь зангиа зүүсэн захирагч болтол нь ханилж яваа гэх үү дээ. Тэгвэл нийслэлийн “тэргүүн хадагтай” Чуваамидийн Мичидмаа хуулийн этгээдийн улсын бүртгэлд нэр дээрээ ердөө ганцхан “Ашдын гэгээ” гэх ТББ-тай. Өмнө нь “Интэлек” ХХК-тай байсан ч татан буулгасан. Нөлөө бүхий улс төрчдийн эхнэрүүд, тэргүүн хадагтай нар зорилтот бүлэг рүү чиглэсэн сайн дурын үйл ажиллагаа явуулдаг сан, төрийн бус байгууллагатай байдаг даа, ёс юм шиг. Ч.Мичидмаагийн "Ашдын гэгээ" ТББ гэхэд л нэг удаа гэр хорооллын хүүхдүүдэд саравч барьж өгсөн түүхтэй юм билээ.

“АСА” ДОЛГОРСҮРЭНГИЙН ДАГВАДОРЖ “15 КОМПАНИ, ТББ-ТАЙ”

Алс Японы сүмогийн дэвжээнд бужигнуулж, ард олныг цэнхэр дэлгэцийн өмнө “уяж” асан МУГТ, Хөдөлмөрийн баатар Долгорсүрэнгийн Дагвадорж өдгөө нэр дэвшдэггүй “улс төрч”, басхүү бизнесмен. Түүний нэр дээр “Үндэсний хөрөнгө оруулалтын банк” ХХК, “Асашёорюү” ТББ, “АСА гүүдс” ХХК, “Лайпэл” ХХК, “Монголын тариалан эрхлэгчдийн гурвалжин будаа холбоо” ТББ, “Монголиан компьютер пауэр центр” ХХК, “Монгол адууны дайвар бүтээгдэхүүн үйлдвэрлэгч, бизнес эрхлэгчдийн холбоо” ТББ, “Кинг хорс монголиа” ХХК, “Рояал плаза” ХХК зэрэг компаниуд байдаг. Сүүлийн үед хэрүүлийн алим болоод буй Үндэсний циркийн барилгыг “Рояал плаза” ХХК эзэмшдэг.

Арлын Японоос зодог тайлаад ирэхэд нь ард олон “Аварга минь” гэж хүндэлсээр, өнөө хүндлэл нь сүүлдээ хэтийдэж, хэтэрхий эрхлүүлсэн талтай. “Буруу эрхлүүлсэн хүүхэд бухын хүзүүнээс хатуу” гэгчийн үлгэрээр өдгөө хэн ч “Цирк” гэж мянга орилоод “АСА” аваргаас үг унагаж чадахаа больсон.

“АСА” АВАРГА КОМПАНИУДАА ГЭРГИЙ МӨНХТУНГАЛАГИЙН ОТГОНЦЭЦЭГТЭЭ ШИЛЖҮҮЛСЭЭР...

“АСА” аварга 2018 онд шинэ эхнэрээ нийтэд танилцуулж байв, хэдийнэ дөрвөн жил өнгөрчээ. Өдгөө түүний эхнэр Мөнхтунгалагийн Отгонцэцэгийн нэр дээр хуулийн этгээдийн улсын бүртгэлд “Рояал холл” ХХК, “АСА трэвэл” ХХК, “Монголын агро культур девелопмент групп” ХХК, “Монгол адууны дайвар бүтээгдэхүүн үйлдвэрлэгч, бизнес эрхлэгчдийн холбоо” ТББ, “Эм Си Ай Эф” ХХК, “Рояал плаза” ХХК, “Ийст лайн” ХХК, “Хорус блан монгол” ХХК зэрэг компаниуд бүртгэлтэй байна.

“ХӨХ ЧОНО” ДОЛГОРСҮРЭНГИЙН СЭРЖБҮДЭЭ НЭР ДЭЭРЭЭ 25 КОМПАНИ, ТББ-ТАЙ

Үндэсний бөхийн улсын начин, холимог тулааны “Хөх чоно” хочит Долгорсүрэнгийн Сэржбүдээ ах нараасаа дутахгүй олон компанитай нэгэн. Гэлээ гэхдээ тэр ах нарыгаа бодвол хэл аманд бага өртдөг, улс төрийн сонголт нь ч хоёр ахаасаа өөр. Өдгөө түүний нэр дээр “Газком” ХХК, “Байгальд ээлтэй технологи” ТББ, “Ворлд ойл монгол”ХХК, “Монголын про врестлинг бөхийн холбоо” ТББ, “Эко ресурс партнерс” ХХК, “Эс Ар Жи Эм” ХХК, “Юү Юү Эс Эй” ХХК, “Рояал хэйви индастрис” ХХК, “Рояал голд комодити эксченж” ХХК, “Төв азийн газын ассоциаци” ТББ, “Аса энд Вэллич корпорейшн” ХХК\ГХО\, “Моодун хаан групп” ХХК, “Дэлгэр гоулд” ХХК, “Рояал профүүд” ХХК, “Хонгор газ турбин цахилгаан станц” ХХК зэрэг компаниуд бүртгэлтэй байна.

Түүнчлэн, Д.Сэржбүдээгийн эзэмшлийн “Эс Ар Жи Эм” ХХК-ийн нэр дээр “Ар Ди Би” ХХК, “Рояал ойл” ХХК, “Рояал газ” ХХК, “Рояал электрик корпорэшн” ХХК, “Рояал инфрастракчер девелопмент” ХХК, “Хит прогресс” ХХК, “Вай Ти Эм монголиа” ХХК, “Газком холдинг” ХХК, “Рояал глобал жет” ХХК, “Рояал авто транспорт” ХХК гэх компаниуд бүртгэлтэй байна.

Харин Д.Сэржбүдээгийн эхнэрийн нэр дээр онцлоод байх компани алга.

Д.ДОЛГОРСҮРЭН ЗААНЫ ГАНЦ ОХИН Д.ИЧИННОРОВ ГУРВАН КОМПАНИ, ДӨРВӨН ТББ-ТАЙ

Бөх ах нартай болоод ч тэр үү, айлын ганц охин Долгорсүрэнгийн Ичинноров бас л спортлог нэгэн. Гэхдээ сүүлийн үед голдуу гольфт дурлах болсон юм билээ. Түүний нэр дээр улсын бүртгэлд “Акицүки” ХХК, “Галдан балжир” ХХК, “Мон пласент” ХХК, “Монгол АСА цирк” ТББ тус тус бүртгэлтэй байдаг. Түүнчлэн, ээж Х.Пүрэвбадамынхаа хамтаар “Монголын мэргэн гольф” ТББ, “Хунчир хөгжил хүрээлэн” ТББ, “Ээж цэцэрлэгт хүрээлэн” ТББ-ийн эзэмшигчээр бүртгэлтэй явдаг.

Д.ДОЛГОРСҮРЭН ЗААНЫ ТӨЛӨӨЛӨГЧ ХҮРГЭН БАТ-ЭРДЭНИЙН ЗОЛБОО ХОЁР КОМПАНИ, ХОЁР ТББ-ТАЙ

Д.Долгорсүрэн зааны ганц охин Д.Ичинноровын нөхөр Б.Золбоо СХД-ийн ИТХ-ын төлөөлөгчөөр сонгогдлоо гэж шуугиад өнгөрөхийг сонссон байх. Бөх ах нартай, айлын ганц охиныг айлгүйгээр ханиа болсон Б.Золбоо нэр дээрээ “Нийгмийн Ардчилал иргэдийн санаачлага” ТББ, “Их номин цэнгэл” ХХК, “Чөлөөт либерал залуучуудын холбоо” ТББ, “Эрдэнэтийн гэрлийн хурд” ХХК, “Монголын гэрэл зураг хөгжлийн холбоо” ТББ-ыг тус тус эзэмшдэг ажээ. Мөн “Клоннер” ХХК-ийг Д.Дагвадоржийн эхнэр М.Отгонцэцэгтэй хамт эзэмшиж байсан ч татан буулгасан байна.

Д.Долгорсүрэн зааны гэр бүлтэй амин харилцаатай, амьдрал, ажлын аль алинаар нь салшгүй холбоотой гурван хүн бий, дурдахгүй өнгөрч болохгүй.

ХОТЫН ДАРГЫН ХАДАМ ЭГЧ ЧУВААМИДИЙН МАРАЛМАА БУЮУ ҮНДЭСНИЙ ХӨРӨНГӨ ОРУУЛАЛТЫН БАНКНЫ ХУВЬЦАА ЭЗЭМШИГЧ

Ардын зураач, Урлагийн гавьяат зүтгэлтэн Ч.Чуваамэд Ч.Мичидмаа, Ч.Маралмаа гэх хоёртой. Ч.Мичидмаа нь дээр дурдсанчлан Хотын дарга Д.Сумъяабазарын гэргий бол түүний эгч Ч.Маралмаа нь Д.Сумъяабазарын “Үндэсний хөрөнгө оруулалтын банк” ХХК-ний хувьцаа эзэмшигч. Хуулийн этгээдийн улсын бүртгэлд түүний нэр дээр “Пи Си Ди Пи” ХХК, “Монголын барилгын мэргэшсэн гүйцэтгэгчдийн холбоо” ТББ, “Монголын барилгын мэргэшсэн туслан гүйцэтгэгчдийн холбоо” ТББ, “Юлхаа” ХХК зэрэг компаниуд бүртгэлтэй байна. Ч.Маралмаагийн “Пи Си Ди Пи” ХХК нь барилгын салбарт том төслүүдийг “түүдэг”-ээрээ зартай бөгөөд Оюутолгой, Эрдэнэт үйлдвэрийн барилгуудын гүйцэтгэгчээр ажиллаж байсан.

Д.СУМЪЯАБАЗАРЫН ХАДАМ ДҮҮ ЧИНБАТЫН АНУН НЭГ ТББ, НЭГ КОМПАНИТАЙ

Нийслэлийн Засаг дарга С.Сумъяабазарын гэргий Ч.Мичидмаагийн төрсөн ах Ч.Чинбатын охин Ч.Анун 2017 онд Уул уурхай, хүнд үйлдвэрийн яамны Гадаад харилцааны хэлтсийн дарга болсон. Тэрбээр хувьдаа “Гратус мед” ХХК, “Эрдэс баялаг эмэгтэйчүүдийн холбоо” ТББ-тай ажээ. Тэгээд ч болоогүй уг ТББ нь “Эрдэс баялаг-эмэгтэйчүүд” үндэсний чуулганыг Төрийн ордонд хүртэл зохион байгуулж байж. Мөн Чинбатын Анун Д.Сумъяабазарын эхнэр Ч.Мичидмаатай хамт “Интэлек” ХХК-ийг эзэмшдэг байсан ч татан буулгасан байна. Ч.Ануны хувьд Ч.Мичидмаатай ихэд ойр өссөн бөгөөд түүнээс үлгэр дуурайлал авч, “Мисс монголиа” тэмцээний үндэсний ялагчаар тодорч, дэлхийн миссийн тэмцээнд явж байв. Өдгөө харин хүргэн ахынхаа сайдаар нь ажиллаж байсан яаманд ажиллах болжээ.

ХОТЫН ДАРГЫН “БАЗ” ХҮРГЭН “АНОД”-ЫН Э.ГҮР-АРАНЗЫН ХҮҮ Г.ТӨГӨЛДӨР ГУРВАН КОМПАНИТАЙ, ГУРВАН ТЭРБУМЫН ОРОН СУУЦТАЙ

Хотын дарга Д.Сумъяабазарын хадам дүү Ч.Ануны нөхөр Гүр-Аранзын Төгөлдөр өдгөө НИТХ-ын тэргүүлэгч, НАМЗХ-ны гүйцэтгэх дэд Ерөнхийлөгчөөр ажиллаж буй. Аав нь “Анод” банкны хэргээр ид шуугиулж явлаа.

Г.Төгөлдөрийн хувьд “Ноосвул” ХХК, “Ай бэрри” ХХК, “Нью грата Жэй Эл Пи Ви” ХХК-иудад хувьцаа эзэмшдэг гэж улсын бүртгэлд бүртгүүлжээ. Өнгөрсөн оны хөрөнгө орлогын мэдүүлгийг нь харвал, жилд 115 сая төгрөгийн орлоготой, 2.9 тэрбум төгрөгөөр үнэлэгдэх хоёр орон сууц, хоёр авто зогсоолтой, 160 сая төгрөгийн үнэтэй Ланд-200 автомашинтай, 957 сая төгрөгөөр үнэлэгдэх малтай, 240 сая төгрөгөөр үнэлэгдэх урлаг, түүхийн үнэт эдлэлтэй, нэг тэрбум төгрөгийн авлагатай, “Ингүүмэл зоос” ББСБ, “Үндэсний хөрөнгө оруулалтын банк”-нд 103 сая төгрөгийн төлөгдөөгүй зээлтэй гэж мэдүүлжээ.

Тэрбээр Д.Сумъяабазарын хадам эгч Ч.Маралмаагийн “Пи Си Ди Пи” ХХК-д дэд захирал, “Үндэсний хөрөнгө оруулалтын банк”-ны тэргүүн дэд захирлаар ажиллаж байсан нэгэн билээ.

Д.Долгорсүрэн зааны хүү, охин, хүргэн, бэрүүдийнх нь мэдлийн компани, ТББ-уудыг танилцуулахад ийм байна. Нэг гэр бүлд 76 компани, төрийн бус байгууллага гэхээр арай л олон санагдах. Ямартай ч эдгээр компани, ТББ-уудын нэрийг нэг хараад авчихсан байхад алс хэтдээ боломжоо “хулгайлуулахгүй” байхад хэрэг болох ч юм билүү.

Бид дараагийн дугаартаа Д.Долгорсүрэн зааны гэр бүлийнхний дээрх компани, ТББ-ууд хэчнээн төсөл хөтөлбөрт хамрагдаж, улс төсвийн болон олон улсын зээл тусламжаар ямар ажлууд гүйцэтгэж байсныг дэлгэрэхгүй хүргэх болно.

Үргэлжлэл бий...

ТАНИЛЦ: Догоо зааны хүү, охин, хүргэн, бэрүүдийн 76 КОМПАНИ, ТББ

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 27

Сэтгэгдэл үлдээсэн: 2025-02-03 13:41:11

Унж: Шуналтнууд
Сэтгэгдэл үлдээсэн: 2021-10-28 00:06:16

Irgen: Oroi doo zalsani shan shuu dee, irged uursduu ene olon kompani baiguulah sedliin ugsun, alban tushaaltnuud bichig barimtiign gargaj ugsun ni oilgomjtoi, harin tatvarin nuhduud tatvar avahaa arrai l maryaagui bailgui gej naidiya
Сэтгэгдэл үлдээсэн: 2021-10-27 15:31:46

зочин: МӨД АВСАНД ОРОХ ГЭЖ БАЙГААГАА МЭДДЭГГҮЙ Л ЮМ БАЙХДАА ХӨӨРХИИС
Сэтгэгдэл үлдээсэн: 2021-10-27 10:19:59

zochin: huuli zorchoogui l bol,heden kompanitai bh n hamaagui bzde
Сэтгэгдэл үлдээсэн: 2021-10-26 18:30:43

Иргэн: Гэр бүлээрээ шунал нь дэндсэн дээ
Сэтгэгдэл үлдээсэн: 2021-10-26 17:52:11

Zochin: Serjbudee hamgiin hogiin gulug shuu !!!!
Сэтгэгдэл үлдээсэн: 2021-10-26 17:34:43

Д.М.дүгнэдэг МОНГОЛ......: ....ХЭЗЭЭ АЖИЛАА ГҮЙЦЭЭЖ...ХЭЗЭЭ ГЭРТЭЭ ИРЭХ БЭ....АА ОДОО ЧИНЬ НЭЭРЭЭ ЦАХИМЖСАН Л ДАА....АЖИЛ НЬ ХӨНГӨРЧИХӨЖЭЭ....КККККК
Сэтгэгдэл үлдээсэн: 2021-10-26 17:32:34

Д.М.дүгнэдэг МОНГОЛ......: .....Гарчигнаас нь харахад л" МЭДРЭЛ МУУ ШУНАЛ НЬ ХАРАГДАВ..".....ОДОО Л ХҮН БИШ ХУУЛЬД ЗАСАГЛУУЛАХ БИЗЭЭ....ДУУДАХ НЭР НЬ ХҮРТЭЛ МОНГОЛ ХЭЛ БАЯЛАГЧ ГЭЛЭЭ...ДЭМИЙ ОЛОН БОЛОХООР ӨӨРИЙН...ӨНГӨГҮЙ БЖЭЭ....ЗОО ЗОО.......
Сэтгэгдэл үлдээсэн: 2021-10-26 17:32:26

Д.М.дүгнэдэг МОНГОЛ......: .....Гарчигнаас нь харахад л" МЭДРЭЛ МУУ ШУНАЛ НЬ ХАРАГДАВ..".....ОДОО Л ХҮН БИШ ХУУЛЬД ЗАСАГЛУУЛАХ БИЗЭЭ....ДУУДАХ НЭР НЬ ХҮРТЭЛ МОНГОЛ ХЭЛ БАЯЛАГЧ ГЭЛЭЭ...ДЭМИЙ ОЛОН БОЛОХООР ӨӨРИЙН...ӨНГӨГҮЙ БЖЭЭ....ЗОО ЗОО.......
Сэтгэгдэл үлдээсэн: 2021-10-26 17:31:27

Д.М.дүгнэдэг МОНГОЛ......: .....Гарчигнаас нь харахад л" МЭДРЭЛ МУУ ШУНАЛ НЬ ХАРАГДАВ..".....ОДОО Л ХҮН БИШ ХУУЛЬД ЗАСАГЛУУЛАХ БИЗЭЭ....ДУУДАХ НЭР НЬ ХҮРТЭЛ МОНГОЛ ХЭЛ БАЯЛАГЧ ГЭЛЭЭ...ДЭМИЙ ОЛОН БОЛОХООР ӨӨРИЙН...ӨНГӨГҮЙ БЖЭЭ....ЗОО ЗОО.......
Сэтгэгдэл үлдээсэн: 2021-10-26 17:21:50

Зочин: Асашёорюүтэй бол ярих юмгүй. Өөрийн хүч чадал, авъяасаараа сумогийн ертөнцийг донсолгож, улсынхаа нэрийг мандуулж явсан хүн. Жинхэнэ хөлсөө урсгаж хөрөнгөтэй болсон хүн.
Сэтгэгдэл үлдээсэн: 2021-10-26 17:06:52

зочин: АСА аварга хөдөлмөрөөрөө алаан дунд явж олсон мөнгө байх бусад нь хөрөнгө орлогоо шалгуулна байгаа. Үнэхээр өөрсдийн хөлс хөдөлмөрөөр олсон бол яахав. Харин ард түмний мөнгө хуссан байвал тэмцэнэ.
Сэтгэгдэл үлдээсэн: 2021-10-26 16:33:12

иргэн: Үхэж байсан хүүрнүүд мөнхийн ус уучаагүй нь лавтай хулгай луйваргүй амьдарч чаддаггүй юм байхдаа.Ингэж хулгай луйвараа хийх гэж ямарч мэдлэггүй юм байж хотын дарга болох гэж баахан хэл ам онигоо болж байж зүтгэсэн лдээ зайлуул.АСА сумогоос хөдөлмөрөөрөө мөнгө олсон байх бусад нь хулгай луйвар гэж бодож бна.Тэгээд эд ер нь нийгэмд ач тус хүмүүлэг үйлс ер нь огт байхгүй шүүүүү чааваас.
Сэтгэгдэл үлдээсэн: 2021-10-26 14:02:27

долгор: өлсөж өсвөөс хэзээ ч цадахаа больдог
Сэтгэгдэл үлдээсэн: 2021-10-26 12:52:53

С. Энхжаргал: Хөдөлмөрөөрөө олсон хөлс гэж бодож бна
Сэтгэгдэл үлдээсэн: 2021-10-26 12:52:52

С. Энхжаргал: Хөдөлмөрөөрөө олсон хөлс гэж бодож бна
Сэтгэгдэл үлдээсэн: 2021-10-26 12:34:07

zochin: Хулгай хийхийн тулд л ийм олон компани,ТББ тай байдаг бхдаа бас болоогүй татвараас зугааж бгаа юмдаа
Сэтгэгдэл үлдээсэн: 2021-10-26 12:30:58

zochin: ach ,guch ,chuuchduud n churtel luivarchid , ene ail tun udachgui nuglee edelne
Сэтгэгдэл үлдээсэн: 2021-10-26 12:30:58

zochin: ach ,guch ,chuuchduud n churtel luivarchid , ene ail tun udachgui nuglee edelne
Сэтгэгдэл үлдээсэн: 2021-10-26 12:30:57

zochin: ach ,guch ,chuuchduud n churtel luivarchid , ene ail tun udachgui nuglee edelne
Сэтгэгдэл үлдээсэн: 2021-10-26 12:25:38

Shuka: Yag yah gedeg yum bol? Iim olon bolson boogui company, tbb -aar lai baidaggui yum baihdaa
Сэтгэгдэл үлдээсэн: 2021-10-26 11:23:33

Зочин: Шуналаа гэж өшөөч шаана наадуул чинь
Сэтгэгдэл үлдээсэн: 2021-10-26 11:08:41

Зочин: Хэцүү юм даа ууль нь эрдэмт хүн даруухан Их мөрөн дөлгөөн гэж ардын сайхан үг байдаг даа Хэтэрхий шунаж болохгүй аав ээж нь уул нь хэлдэгл байхал даа Даанч хүүхдүүд нь боловсрол муутайл даа Хүн хөнжлийхөө хирээр жиих хэрэгтэй Сумяабазар бол үнэндээ Их хотын дарга байх зиндааны хүн биш шүү дээ Ард түмэн гэж мундаг шүүгч бна шүү ӨМНӨ НЬ ХОТЫН ДАРГА ГЭЖ ЯМАР МУНДАГ УЛС БАЙЛАА ЕРӨНХИЙ САЙДТАЙ ДҮЙХ АЛБАН ТУШААЛ ШҮҮ ДЭЭ
Сэтгэгдэл үлдээсэн: 2021-10-26 10:21:53

Novsh: Tomooxon xemjeenii ugaalgiin mashin baina daa. Gadna dotniin xamag tosol xorongiig ugaan zaimchuulj saadag baix. Oorsdiinxoo ner xych xodolmoroor olson ni baigaa ch ugaalgiin mashinaar ard tymnii zoos oroogyi gex batalgaa xaan baina?
Сэтгэгдэл үлдээсэн: 2021-10-26 10:11:38

Zochin: Arduud uusdu l davraaga bzde .hen ch bish shude ugin
Сэтгэгдэл үлдээсэн: 2021-10-26 10:09:21

Zochin: Arduud uusdu l davraaga bzde .hen ch bishude ug
Сэтгэгдэл үлдээсэн: 2021-10-26 09:40:46

zochin : новшнууд