УИХ-ЫН ГИШҮҮД Б.ЭНХБАЯР: Миний хувьд 2016 онд ХЗДХ-ийн дэд сайдаар томилогдсон. Ингээд сайд болсныхоо маргааш нь Хөгжлийн банкийг шалгах Ажлын хэсгийн ахлагчаар ажиллаж байсан. Ажлын хэсэгт Монголбанкнаас том баг ажилласан. Шалгалтаар 1.2 их наяд төгрөгийн зөрчил илэрсэн. Шалгалтын дүгнэлтээр зөрчил гарахад нөлөөлсөн гол хүчин зүйл нь хууль нь өөрөө байна. Өөрөөр хэлбэл, Хөгжлийн банкны санхүүжилт, төсөл хөтөлбөрийг хэрэгжүүлэхэд улс төрийн нөлөөлө их байна. Тус банкны удирдлагууд нь улс төрөөс хараат байгаатай холбоотой гэж үзсэн. Ингээд хуулийг нь өөрчилж, удирдлагыг нь улс төрөөс хараат бус байх хууль баталсан. Мөн Засгийн газар хоёр жил тутам, Монголбанк жил бүр хяналт шалгалт хийхээр хуульчилсан. Тэр үед Монголбанк энэ хууль батлагдчихвал болно гэж байлаа. Гэтэл Өнөөдөр Сангийн сайдын мэдээллээр Хөгжлийн банк дампуурсан гэлээ. Нэг их наядын хугацаа хэтэрсэн зээлийн өртэй болсон гэж байна. Монголбанк энэ асуудалд ямар байр суурьтай байгаа вэ. Цаашид Хөгжлийн банкыг энэ чигээр нь явуулах юм уу, дампуурах юм уу.

 

Хоёрдугаарт, Таны хүү Хөгжлийн банкны газрын дарга гэх мэдээлэл байна. Энэ үнэн үү. Хэрвээ үнэн бол ёстой болохгүй асуудал шүү дээ. Ашиг сонирхлын зөрчил үүснэ. Хөгжлийн банканд шалтгалт хийж, тайлагнадаг газар чинь Монголбанк. Хөгжлийн банк дампуурсан шалтгааныг тантай холбож авч үзнэ шүү.

 

Манай хүү Б.Тэмүүжин Хөгжлийн банкыг анх байгуулагдсан цагаас мэргэжилтнээс ажиллаж яваад сая шинээр томилогдсон удирдлагын багт нэг газрыг нь төлөөлөхөөр томилогдсон байна лээ. Монголбанк бол Хөгжлийн банкны дотоод үйл ажиллагаанд оролцдоггүй. Хяналт, шалгалт явуулж байгаа банкны гаргаж байгаа шийдвэрт нь нөлөөлдөггүй. Харьцааны үзүүлэлт буюу сэрэмжлүүлэг өгөх чиглэлээр ажилладаг