Нийслэлийн Засаг даргын Нэгдүгээр орлогч Р.Чингис өөр албан тушаалт томилогдохоор болсон тул үүрэгт ажлаасаа чөлөөлөгдөхөөр болжээ. Түүний хувьд 2021 оны хоёрдугаар сард тус албан тушаалд томилогдож байсан билээ. 

Р.ЧИНГИС ГЭЖ ХЭН БЭ

-Р.Чингис Цагдаагийн байгууллагад эрүүгийн төлөөлөгчөөс эхлээд ЦЕГ-ын дарга хүртэлх албан тушаалыг 30 гаруй жил хашсан.

-Эрүүгийн цагдаагийн газарт эрүүгийн төлөөлөгч, ахлах төлөөлөгч, Эдийн засгийн гэмт хэрэгтэй тэмцэх хэлтсийн даргаар ажиллаж байсан.

-ЗХУ-ын ДЯЯ-ны Академид гүйцэтгэх ажлын чиглэлээр суралцаж, хуульч, эрх зүйч мэргэжил эзэмшсэн.

-2002-2004 онд АНУ-ын Колорадогийн их сургуульд хууль зүйн магистрын зэрэг хамгаалсан.

-2012 онд ЦЕГ-ын дэд дарга, 2014-2016 онд ЦЕГ-ын даргаар ажиллаж байжээ.

Р.Чингисийг Ерөнхий сайд Л.Оюун-Эрдэнэтэй нэг баг, ойр харилцаатай гэх яриа улс төрийн хүрээнд байдаг. Тэрбээр Замын цагдаагийн дарга асан, цагдаагийн хурандаа Г.Ринчиндоржийн хүү юм. Мөн түүнийг Гадаад харилцааны сайд Ц.Мөнх-Оргилын хуурай дүү, түүгээрээ “МСS”-тэй холбогддог гэж улстөрийн хүрээнийхэн ярьдаг.