УИХ дахь Ардчилсан намын бүлгээс мэдээлэл хийлээ. Ардчилсан намын дарга О.Цогтгэрэл "Өнөөдөр хуваарийн дагуу намын бүлгүүд хуралдсан. Ардчилсан намын бүлэг 63 хувийн ирцтэй Их эзэн Чингис хааны танхимд хуралдлаа. Бид Бүлгийн даргын Д.Ганбатыг хуралдаандаа орохыг хэлсэн ч ирээгүй" гэлээ.

Энэ үеэр УИХ-ын гишүүн Н.Ганибал "Өнөөдрийн бүлгийн хурлаас албан ёсны шийдвэр гаргасан. 2021 оны аравдугаар сарын 11 болон 18-ны хурлыг үндэслэн шийдвэрлэх нь, нэгдүгээрт УИХ дахь Ардчилсан намын бүлгийн дарга Д.Ганбатыг Бүлгийн даргаас чөлөөлсүгэй, хоёрдугаарт, түүний ажлыг Бүлгийн дэд даргын ажлыг Д.Ганибалд хариуцуулсугай, гуравдугаарт, дэд даргын үүргийг УИХ-ын гишүүн Б.Бейсенд үүрэг болгосугай. Энэ бол Бүлгийн гишүүдийн нэгдсэн шийдвэр" гэлээ.