Сонгуулийн нөхөн сонгуулийн нэгдсэн дүн мэдээг танилцуулж байна. Энэ талаар Сонгуулийн Ерөнхий хорооны дарга М.Дэлгэрнаран "Энэ сарын 16-нд нөхөн сонгуулийн нэмэлт санал хураалт болж, нэгдсэн дүн мэдээг гаргасан. Мөн гар тооллогыг 100 хувь явуулсан.  УИХ-ын 18, 28 дугаар тойргийн санал хураалтын дүнг үндэслэн Сонгуулийн ерөнхий хороо өнөөдөр хуралдаж, хамгийн их санал авсан хоёр нэр дэвшигчийг УИХ-ын гишүүнээр сонгогдсонд тооцож, үнэмлэх гардууллаа.

     Хэнтий аймгийн 18 дугаар тойрогт Ц.Идэрбат 17264 хүний санал авсан, Сонгинохайрхан дүүргийн 28 дугаар тойрогт Э.Батшугар 28537 хүний санал авсан байна. Сонгуулийн ерөнхий хороо шийдвэрээ гаргасан учир нөхөн сонгуулийн дүнг УИХ, Ерөнхийлөгчид өргөн барина" гэлээ.