УИХ-ын гишүүн Ц.Тувааныг Ардчилсан намаас хөөсөн гэдгийг тус намын бүлгийн дарга Д.Ганбат мэдэгдсэн. Энэ талаар УИХ-ын гишүүн Ц.Туваан тайлбар хийлээ. Тэрбээр "Би хэддэхээ ч хөөгдчихсөн юм мэдэхгүй. Би бүлэгт нэгдэж ажиллаад жил гаруй болж байна. Бүлгийн бүтэц дотоод зохион байгуулалтын асуудлыг бид ярилцсан юм.

Нөхөн сонгуулийн нэмэлт санал хураалттай холбоотой энэ асуудлыг түр хойшлуулаад байсан юм. Би Ардчилсан намаас сонгогдсон, намын гишүүн мөн. Би намын дүрмээр хэлэлцсэн хурлыг ч мэдээгүй. Намын гишүүдийг олонх сонгосон гишүүн нь О.Цогтгэрэл гишүүн байгаа. Сонгуулиар нэгдсэн гэдэг чинь зохиомол үйлдэл. Би байхгүй газраасаа хөөгдөж байгаагаа гайхаж байна. Байгаа Ардчилсан намдаа байна. Бүлгийн хурлын шийдвэр бүлгийн нийт гишүүдийн олонхоор гардаг. Бүлгийн дарга нэртэй нэг гишүүн шийдвэр гаргана гэж байхгүй" гэлээ.