УИХ-ын чуулганы нэгдсэн хуралдаан эхэллээ. Хуралдааны эхэнд Монгол Улс, Азийн дэд бүтцийн хөрөнгө оруулалтын банк хоорондын зээлийн хэлэлцээр /ковид 19-ийн эсрэг  вакцинжуулалтын арга хэмжээ/ -ийн төслийг соёрхон батлах тухай тогтоолын төслийг хэлэлцэж байна. Хэлэлцэж буй асуудалтай холбоотой гишүүд асуулт асууж байна.

УИХ-ЫН ГИШҮҮН Ц.МӨНХ-ОРГИЛ: Бид урьд гаднын зээл тусламж авч байсан. Зээлийн хэрэгжилт ямар байгаа талаар ярилцсан. Ковидтой холбоотой  худалдан авалт, зээлийн хэрэгжилт ямар байгаа талаар мэдээлэл өгөхгүй юү.

САНГИЙН САЙД Б.ЖАВХЛАН: Азийн хөгжлийн банк манайхтай төсөл хөтөлбөрүүд дээр сайн дэмжлэг үзүүлж ажилладаг. Нэг удаа бид 100 сая ам.долларын төсвийн дэмжлэг авч байсан. 2020 онд авсан. Үүнээс хойш зээл аваагүй.

ЭРҮҮЛ МЭНДИЙН САЙД С.ЭНХБОЛД: Азийн хөгжлийн банкны зээлээр ковидын эсрэг арга хэмжээнд тоног төхөөрөмж авах төсөл хэрэгжүүлж байгаа. Хөдөө орон нутгуудад тоног төхөөрөмжөө хуваарилаад, ашиглаж байгаа. Мөн энэ банкны төслөөр вакцин хадгалах агуулах бий болгосон. Зээл тусламжийн хэрэгжилт сайн байгаа.