УИХ-ын нөхөн сонгууль өчигдөр болж, ирцийн босгодоо хүрээгүй учир хуулийн дагуу нэмэлт санал хураалт явуулах учиртай. Тэгвэл санал хураалтын нийт дүнгээрээ Сонгинохайрхан дүүрэгт нэр дэвшигч Э.Батшугар олонхын санал авч, ХҮН-аас нэр дэвшигч Б.Найдалаа удаалсан. Харин Хэнтий аймагт тус аймгийн Засаг дарга Ц.Идэрбат олонхын санал авсан бол Б.Гарамгайбаатар хоёрдугаарт жагссан билээ. 

Тэгвэл нөхөн сонгуулийн үрд дүнтэй холбоотой ХҮН-аас Ерөнхийлөгчийн сонгуульд нэр дэвшигч Д.Энхбат цахим орчинд өөрийн байр суурийг илэрхийлжээ. Тэрбээр "АН буруугаа бусдаас (ХҮН-ээс гэх мэт) хайсаар байвал мөд сэхэхгүй нь гэсэн үг. Харин өөрсдийн талаар эрүүл, зоригтой дүгнэлт хийж чадвал гарц, шийдлээ гарцаагүй олж харах л байх" гэжээ.