Олон улсын эрэн сурвалжлах сэтгүүлчдийн консорциум “BBC”, “The Guardian”, “New York Times” тэргүүтэй 150 орчим хэвлэл мэдээллийн хэрэгслийн 600 гаруй сэтгүүлчтэй хамтран оффшор данстай дэлхийн нөлөө бүхий хүн, улстөрч, хөрөнгөтнүүд мэдээллийг нэгтгэсэн “Пандора баримт” эрэн сурвалжлах төслийн нийтлэлүүдийг ээлж дараагаар цацаж эхэлсэн. Тэгвэл тус баримт бичигт Монгол Улсаас хоёр улстөрч багтсан нь хоёулаа Ерөнхий сайдын албан тушаалыг хашиж байсан хүмүүс болж таарсан юм. Олон улсын оффшорчдыг илчилсэн “Пандора баримт”-ын хамгийн сүүлчийн цацсан мэдээллээр 10 орны Ерөнхий сайд оффшорт холбогдсоны хоёр нь Монгол Улсын Ерөнхий сайд асан Сү.Батболд, Ч.Сайханбилэг нар байсан юм.

Харин энэ талаар Ерөнхий сайд асан Ч.Сайханбилэг цахим хуудастаа ийн бичжээ.

         Тэрбээр, “Хамаг хог новшоо чихдэг шуудай гэж андуурлаа юу. Хамгийн хэцүү үед хамгийн хэрэг болсон төслүүдийг шийдсэний шагналд “Овт шар” болгох санаатай. Тэр оффшороосоо миний компани, хөрөнгийг олчихсон юм бол үнэгүй, шууд аваарай” хэмээн бичсэн байна.