Монголын төр, нийгмийн нэрт зүтгэлтэн, ардчилсан хөдөлгөөний анхдагчдын нэг Санжаасүрэнгийн Зориг агсан одоогоос 23 жилийн тэртээ буюу 1998 оны аравдугаар сарын 2-нд бусдын гарт онц хэрцгийгээр амь насаа алдсан юм.

 

Жил бүрийн энэ өдөр С.Зориг агсны хөшөөнд цэцэг өргөж, хүндэтгэл үзүүлдэг уламжлалтай. Өнөөдөр Ардчилсан нам, Иргэний зориг ногоон намын удирдлагууд, гишүүд дэмжигчид нь түүний үйл хэргийг хүндэтгэн хөшөөнд нь хүндэтгэл үзүүллээ. Энэ арга хэмжээнд УИХ-ын дэд дарга С.Одонтуяа, УИХ-ын гишүүн О.Цогтгэрэл тэргүүтэй хүмүүс оролцсон юм. Түүнчлэн УИХ-ын гишүүн асан Н.Номтойбаяр цэцэг өргөх ёслолд оролцож, "Дахиад хэдэн жил энэ хүмүүний үхлээр улс төр хийх бол оо..." хэмээн цахим хуудастаа бичжээ