УИХ-ын намрын ээлжит чуулган нээлтээ хийж байна. Чуулганыг нээж УИХ-ын дарга Г.Занданшатар үг хэлж байна.

Тэрбээр "Өнөөдөр азай буурал ахмадуудын маань баярын өдөр тохиож байна. Баярын мэндчилгээ дэвшүүлье. Өнөөдрөөс эхлэн УИХ-ын гишүүд түргэвчилсэн тестээр шинжилгээ өгч, чуулган хэвийн горимоор танхимаар хуралдана. 2022 оны улсын төсвийн хэлэлцэхээс эхлээд нэн чухал асуудлууд байгаа учир гишүүдийг хуралдаандаа оролцохыг уриалж байна. Энэ чуулганы нэн тэргүүний асуудал нь цар тахлын хүндрэлийг оновчтой шийдэх юм. Манай улсад цар тахлын нөхцөл байдал амаргүй, эмч эмнэлгийн ажилчид туйлдаж байна. Хэдийгээр иргэдийнхээ 65 хувийг вакинд хамруулсан ч 382 мянган иргэн өвчилж, 1204 иргэн амиа алдлаа. Амиа алдсан иргэдийн ар гэрт УИХ гүн эмгэнэл илэрхийлье. Бүх шатны сургалтын үйл ажиллагаа эхэлсэн тул халдвар хамгааллын дэглэмийг ягштал биелүүлэх шаардлагатай. Жирэмсэн болон ахмад настнууд энэ өвчнөөр өвдөх, хүндрэлтэй тул эмнэлгийн байгууллага үүнд анхаарах хэрэгтэй. 

Эдийн засгийн өсөлт удааширч 2022 онд таван хувьд хүрэх дүн гарсан байна. Өргөн хэрэглээний барааны үнэ өмнөх оны мөн үетэй харьцуулахад нэмэгдсэн. Ийм нөхцөлд Засгийн газар тууштай, тогтвортой ажиллах шаардлагатай. Бид Засгийн газартай хамтарч ажиллаж байгаа. Гэхдээ сайд нараас хариуцлага нэхэж, анхааруулга өгч ажиллана. Салбар хариуцсан сайд нар онцгой нөхцөлд, онгой чадвар гаргаж ажиллах ёстой. Чадахгүй бол түүнийгээ хэлдэг байх хэрэгтэй. Саяхан шатахуун асуудлаар нэлээд бухимдал үүсгэлээ. Үүнийхээ хариуцлагыг салбар хариуцсан хүмүүс хүлээх хэрэгтэй.

Энэ удаагийн намрын чуулган Монгол Улсын эдийн засгийн шинэ сэргэлтийг тодорхойлох чуулган болно. Энэ хүрээнд УИХ экспртыг дэмжих, дотоодын хөрөнгө оруулалтыг сайжуруулах, засаглалын чадавхыг нэмэгдүүлэх олон хуулийг хэлэлцэн баталж байна. УИХ бизнес эрхлэг, ажил олгогч, татвар төлөгчдийн нүдээр харж хуулиа батлах ёстой. Гадаад, тодоодын хөрөнгө оруулалтыг нэмэх, дэмжиж ажиллах шаардлагатай. Төрийн өмчит компанийн засаглалын сайжруулах арга хэмжээг хэрэгжүүлнэ. Халамжийн бодлогоо цэгцэлж, хөдөлмөр эрхлэлтэд анхаарах шаардлага үүсжээ. Үүний зэрэгцээ бид байгаль хамгаалах чиглэлд анхаарал хандуулна. Ерөнхийлөгчийн санаачилгаар хэрэгжүүлэх таван үндэсний хөтөлбөр бий" гэв.