“Netfix”-ийн ээлжит цуврал “Emily In Paris” киноны гол дүр болох Эмили Куперийн дүрд Лили Коллинз тоглосон билээ. Тэрбээр дүрээ  үнэхээр чадварлаг бүтээсэн  бөгөөд Эмилигийн хувцасны гоёмсог шийдлүүд, загвар нь уг киноны бас нэгэн шигтгээ болсон юм.  Парисын 90-ээд оны загварын чиг хандлагыг харуулахуйц хувцаслалтууд нь гол дүрийн жүжигчний сэтгэл татам, булбарай, сэргэлэн зан чанарыг тодотгож буй. Ингээд та бүхэнд Эмилигийн гоёмсог дүр төрхүүдийг толилуулж байна.

1.Эрээн хослол, улаан малгай

Эрээн алаг хослол нь түүний хамгийн дуртай хувцаслалтын нэг байсан аж. Энэхүү хувцасны дизайнераар Вероника Беарт ажиллажээ.

2.Цэцгэн хээт  шар даашинз

Түүнд төгс тохирох илүү энгийн дүр төрх бол тод шар өнгийн торгон даашинз юм. Уг даашинзны тод өнгө, нарийн хээ угалз нь түүний биеийн галбирыг илүү тодотгожээ.

3.Шаргал өнгийн богино даашинз

Парисын загварын долоо хоногийг санагдуулам уг даашинз   “See by Chloé” брэндийнх бол цэгтэй торон цамц нь “Zara” брэндийнх аж. Эдгээрийг  хослуулсан нь үнэхээр төгс зохицол байв.

4.Гоёмсог цамц,алаг хүрэм

 Эмилигийн энэ дүр төрх нь маш чамин, хээнцэр байсан төдийгүй түүний эмэгтэйлэг, уян хатан зан чанарыг илүү тусгасан. Цацган оруулга, захтай цамц аль ч үед өмсөж болох гоёл билээ.

5.Үдшийн даашинзууд

Сильвигийн өмссөн хувцас бүгд  дэгжин. Голчлон саарал, хар, шаргал зэрэг завсрын өнгөөс бүрддэг. Түүний хувцасны шийдэл Эмилигийнхээс ялгаатай нь   төдийлэн тод биш. Зураг дээрх ногоон өнгийн даашинз нь дизайнер  Александр Вотьегийн хамгийн хайртай загвар аж.