Олон улсын валютын сан, Дэлхийн банкны жил тутмын уулзалт өнгөрсөн сард АНУ-ын нийслэл Вашингтон хотноо болж өндөрлөсөн. Тус  чуулга уулзалтад Олон улсын валютын сангаас 2024 оны эцэс гэхэд дэлхийн улс орнуудын нийт өрийн хэмжээ 100 их наяд ам.долларт хүрэх төлөвтэй байгааг онцолжээ. Тухайлбал, олон улсын 100 их наяд ам.долларын өрийн хэмжээ нь дэлхийн ДНБ-ий 93 хувьтай тэнцэх дүн бөгөөд 2030 он гэхэд ДНБ-тэй тэнцүү буюу 100 хувьд хүрэх тооцоололтой байгаа аж. Түүнчлэн дэлхийн орнуудын өрийн хэмжээ жилээс жилд эрс өсөж байгаа нь АНУ, БНХАУ-ын хоорондын худалдааны дайнтай хамааралтай гэнэ.

Мөн цаашид АНУ, Бразил, Франц, Итали, Их Британи, Өмнөд Африк зэрэг орны өрийн хэмжээ нэмэгдэх төлөвтэй байгаа юм байна.