Дэлхийн хамгийн том газрын тос олборлогч орнуудын нэгдэл болон “ОПЕК”-ийн бүлэг болон түүний холбоотнууд ирэх зургадугаар сар хүртэл газрын тосны экспортоо хязгаарлаж, хоёр сая баррелиар бууруулах болсон. Тэгвэл газрын тосны салбарын гол тоглогчдын уг шийдвэр зах зээл дэх газрын тосны үнэд шууд нөлөөлж, өчигдрийн хаалтын ханшаар газрын тос баррель нь 84.9 ам.доллар болж өссөн бол өнөөдрийн ханшаар баррель нь 85.92 ам.долларт хүрээд байна.

Мөн “ОПЕК”-ийн бүлгийн гаргасан шийдвэр болон ОХУ, Украины дайнтай холбоотойгоор газрын тосны зах зээл бага багаар хумигдаж байгааг шинжээчид онцолж буй. Харин энэ оны хувьд газрын тосны богино хугацаанд нийлүүлэх гэрээний үнийн дүн урт хугацааны нийлүүлэлтээс ч илүү гараад байгаа юм.