Финланд Улсын газар нутаг руу ОХУ-ын тал халдвал хүчтэй хариу үзүүлж, эсэргүүцэх бэлтгэлтэй байгааг тус улсын Зэвсэгт хүчний Жанжин штабын тэргүүн өчигдөр мэдэгджээ. Олон жилийн турш төвийг сахисан Финланд Улс өнгөрсөн хоёрдугаар сарын Оросын арми Украин руу нэвтэрснээс хойш НАТО-д элсэх хүсэлтээ гаргаад байгаа. Дээрх асуудлаар Финландын генерал Тимио Кивинен "Манайх Украинд өрнөж байгаатай ижил дайнд олон жилийн өмнөөс системтэйгээр бэлдсэн. ОХУ-д Украин хэцүүхэн байгаа бол Финланд ч адилхан байх болно" гэжээ.

           Финланд Улс өмнө нь ЗХУ-тай хийсэн хоёр дайнд 100 мянга орчим иргэн эрсдэж, газар нутгийнхаа 10 гаруй хувийг алдсан аж. Одоогоор Финланд Улсын нийт хүн амын тоо 5.5 сая бөгөөд зэвсэгт хүчний бие бүрэлдэхүүний тоо 280 мянга гаруй, мөн 870 мянга гаруй бэлтгэгдсэн нөөцтэй гэнэ.

Эх сурвалж: Reuters