Н.Түвшинбаярын дөрөв дэх зодооны ХОХИРОГЧ нь түүний хөгшрөхөөрөө хамт байх НАЙЗ НЬ

Б. Цогтбаяр:
Эрэн сурвалжлах- Дуулиан

2021-04-11, 22001

Тэд Булганых. Э.Энхбат Могодынх, Н.Түвшинбаяр Сайханых. Тэд есдүгээр ангидаа Булганы төвийн “Эрдмийн өргөө” сургуульд тус тусын сумаас шилжиж ирцгээгээд, сургуулийнхаа гадна барилдаж танилцжээ. Түүнээс хойш 21 жил нэгнээсээ салахгүй шахам дотно нөхөрлөсөн. Бүр 2003-2008 он хүртэл таван жил нэг өрөөнд хамт амьдарч, хоолоо ээлжлэн хийж, хааяа хамтдаа өлсөж, өрөөгөө нурах шахтал барилддаг байсан. Тэр үед тэд “Хоёулаа бөх болж чадахгүй бол хөдөөгөө очоод малаа маллаад амьдарчихна даа” гэцгээн том цүнхээ үүрээд “Аварга” сургуулийн зүг алхацгаадаг байв. Харин одоо Э.Энхбат ГССҮТ-д, Н.Түвшинбаяр “Интермед”-д хэвтэж байна. Хэзээ, ямар учраас тэнд очицгоосныг нь бичих одоо хуучин мэдээлэл биз ээ. Гагцхүү Э.Энхбат эрүүл саруул болох уу, Н.Түвшинбаяр шоронд явах уу, найзыгаа зодсон ноцтой шалтгаан нь албан тушаалын ямба, ялихгүй маргаан, шалихгүй үл ойлголцол мэтхэн битгий байгаасай гэдэг л...

Тэд нэгнийгээ ингэж хайрладаг байв

Н.Түвшинбаяр багын найз Э.Энхбатыгаа “Энхбатыгаа магтаж болох бүх үгээр л магтмаар байна. Монгол эр хүн ямар байдаг вэ гэдгийг найзаасаа хардаг. Түшиг тулгууртай, ноён нуруутай. Юмыг дандаа сайнаар боддог. Шуналгүй. Манай найз чинь өөрөө их сайхан гэгээн бодолтой, хүнд муу санаж, муу зүйл боддоггүй, гэнэн цайлган ч гэмээр хүн шүү дээ. Тэгээд хүн бүрийг өөр шигээ боддог” хэмээн тодорхойлсон нь бий. Түүнчлэн нас яваад найзтайгаа уулзах нь ховор болоод байвал яах вэ гэхэд “Санаад болохгүй бол хөгшрөхөөрөө хамт амьдарчихгүй юу. Ямар сураагүй юм биш. Гэр бүлийнхэн маань ч найзууд юм чинь” гэсэн нь тэр хоёрын нөхөрлөлийг олон илүү таниулсан юм.

Харин Э.Энхбаяр багын найз Н.Түвшинбаярынхаа тухай “Бид бие биенийхээ юу ярих гээд байгааг харцнаас нь ойлгоно гээд хэлчихэд буруудахгүй байх, тийм л сайн найзууд. Бас би найзынхаа буянаар олимпийн хотхон дотор орж, олимпод оролцож байгаа тамирчин шиг явж, хоёр олимп үзсэн азтай хүн” хэмээн ярьж байлаа. Мөн “Бид арван жилийн сурагч байхдаа Эрдэнэт рүү тэмцээнд очсон юм. Тэгсэн Түвшээ “Би чамд гоё юм идүүлж үзүүлнэ. Би дээр идэж үзсэн. Янзын гоё юм билээ” гээд нэг бөөрөнхий бор юм үзүүлж байна. Гоё нь юу л бол доо гэмээр царай муутай бор юм, идэж үзсэн үнэхээр гоё амттай байсан. Одоо би кивинд дуртай” гэж нөхөрлөлийнхөө тухай дурссан бий.

Нэгнийгээ ингэж хайрладаг байсан найзууд зодоон болохоос өмнө жил орчим хугацаанд уулзаагүй байсан гэж эх сурвалжууд хэлж буй. Ахлах ангийн сурагч байхаас эхэлж, айлын хажуу өрөөнд хамт байхаас өрнөж, амжилтанд хүрэх хүртэл үргэлжилсэн тэдний нөхөрхөл яагаад хол хөндий болчихсоныг зарим нь архи, амжилт хоёртой холбон тайлбарлаж буй. Магадгүй, үнэн ч байж болох.

Тэдний зодооны үед тэнд хэн байсан бэ

Өнгөрсөн оны УИХ-ын сонгуулиар “цэнхэртсэн” цөөн тойргуудын нэг нь Булган аймаг. Өөрөөр бол Булганд АН эрх барьж байгаа. Он гарсаар хоёр хуваагдчихаад байгаа АН өнгөрсөн долоо хоногт намын даргын сонгуулиа хоёр тусдаа хийж, өнгөрөгч Ням гарагт шинэ намын даргаа батламжилсан. Удтал хүлээсэн шинэ намын даргаа батламжлах ажиллагаанд оролцохоор Булганы удирдлагууд Улаанбаатар хотод иржээ. Ингээд ирснээ тэмдэглэж, басхүү шинэ намын даргатай болсноо тэмдэглэж нутгийнхаа бөхчүүд болон нэр нөлөөтнүүдтэй уулзан архидсан гэх бөгөөд тэндээс явах нь явж, үлдэх нь үргэлжлүүлсээр Н.Түвшинбаяр Э.Энхбатыг зодсоноор эл архидалт өндөрлөсөн гэх. Тухайлбал, Булган аймгийн Засаг дарга Б.Ариун-Эрдэнэ, тус аймгийн ИТХ-ын дарга Д.Эрдэнэбат, дээр дурьдсан төлөөлөгч С.Гал-Эрдэнэ, МҮХАҮТ-ийн Ерөнхийлөгч О.Амартүвшин, Монгол Улсын арслан Х.Мөнхбаатар, “Херо”ентертайнментийн Б.Баатар нарын нэрс зодоонтой холбогдон яригдаж буй юм. Түүнчлэн зодоон Хан-Уул дүүрэгт байрлах “Их хуралдай” төвийн ““MGT Mining” компанийн оффист болсон гэж мэдээлж буй. Булган аймгийн ИТХ-ын төлөөлөгч С.Гал-Эрдэнэ энэ компанийг эзэмшдэг бөгөөд өнгөрсөн оны УИХ-ын сонгуульд Булган аймагт нэр дэвшиж, Ерөнхийлөгч Х.Баттулгын хүн гэгдэж байсныг нь санаж буй биз ээ. Зодоон болсон газар нь түүнийх гэхээр тэр зодооны үед дэргэд нь байсан гэгдэж буй юм.

Харин тэнд ямар асуудал яригдсан бэ, юунаас болж муудалцсан бэ гэдэг асуулт тодорхой бус хариулттай хэвээр байна. Энэ асуултад үнэнээр хариулах ганц хүн нь Э.Энхбатыг гэж итгэж хүлээж буй.

Гэхдээ тэр одоо ГССҮТ-д унтуулгатай байгаа. Н.Түвшинбаяр болон гэрчүүд тайлбар өгч буй ч 100 хувь үнэн гэж батлах өрөөсгөл. Харин тэдний эл уулзалтын үед удахгүй болох Ерөнхийлөгчийн сонгууль, түүнд хэрхэн оролцох тухай яриа нэг биш гарсан гэдгийг зарим эх сурвалжууд хэлж буй. Гэвч зодооны үндсэн шалтгаан энэ гэж батлах бас л эрт байна.

Тэд эхнээсээ өөрсдийгөө тэнд байгаагүй гэж тайлбарлацгааж эхлээд байна

Тухайлбал, Булган аймгийн Засаг дарга Б.Ариун-Эрдэнэ албан ёсны цахим хуудсаараа “Би тэр зодооны үед байгаагүй. Гэрийн тусгаарлалтад байгаа” гэх агуулгатай тайлбар хийсэн. Мөн МҮХАҮТ-ийн Ерөнхийлөгч О.Амартүвшин “Би тэр зодооны үед байгаагүй. Маргааш өглөө нь сошиалаас олж мэдээд Б.Ариун-Эрдэнэ даргыг дуудаад ГССҮТ-д очиж, Э.Энхбатын ар гэрийнхэнтэй нь, эмч нартай нь уулзсан” гэх тайлбар хийсэн. Гэхдээ Б.Ариун-Эрдэнэ, О.Амартүвшин нарын дээрх тайлбарт “жижиг” алдаа ажиглагдаж буй. Юу гэхээр Б.Ариун-Эрдэнэ өөрийгөө гэрийн тусгаарлалтад байгаа гэсэн бол О.Амартүвшин Б.Ариун-Эрдэнийг дуудаад ГССҮТ рүү очсон гэсэн нь аль аль нь зодоон болох үед тэнд байсан, тэрийгээ нууж байгаа юм биш биз гэх хардлагыг төрүүлээд буй юм.

Харин “Херо” энтертайнментийн Б.Баатар манай сэтгүүлчид “Би тэр зодооны үед байгаагүй. Зодоон болсны дараа тэнд байсан хүмүүс мэдэгдэж, бид очсон. Биднийг очиход цагдаа нар ирчихсэн, Н.Түвшинбаяр аварга сууж байсан” гэх тайлбар өгсөн.

Олимпын аварга Н.Түвшинбаярын “согтуу” дөрөв дэх зодоон

2011 оны дөрөвдүгээр сарын 26-нд УИХ-ын гишүүн асан Д.Ганхуяг, улсын начин Б.Одхүү, олимпын аварга Н.Түвшинбаяр нар “Сөүл” ресторанд согтуу зодолдсон тухай дуулиан дэгдэж байв. Тухайн үед Н.Түвшинбаяр, Б.Одхүү нар Сүхбаатар дүүргийн цагдаагийн хэлтэст мэдүүлэг өгсөн гэдэг бөгөөд харин УИХ-ын гишүүн асан Д.Ганхуяг “Би Сөүл ресторанд хоол идээд л гарсан. Зодоонд би оролцоогүй. Намайг гарах үед зодоон болсон гээд цагдаа нар ирчихсэн байсан” гэх тайлбар өгөөд өнгөрч байсан.

Эл дуулианаас жил хагасын дараа буюу 2012 оны арванхоёрдугаар сарын 16-нд улсын начин Б.Одхүү, олимпын аварга Н.Түвшинбаяр, улсын заан Ц.Баярсайхан нар согтуугаар Хан-Уул дүүргийн XVII хороонд байрлах “Гарден” ресторанд зодолдсон дуулиан дэгдсэн. Тухайн үед улсын начин Б.Одхүүг Н.Түвшинбаяр, Ц.Баярсайхан нарыг зодсон хэргээр шалгаж, таслан сэргийлэх арга хэмжээ авсан бол олимпын аварга Н.Түвшинбаяр гэмтлээ эмчлүүлэхээр БНСУ-ыг зорьсон гэх мэдээллүүд гарч байв.

2016 оны зургаадугаар сарын 24-25-нд шилжих шөнө Булган аймгийн АН-ын дарга Б.Ариун-Эрдэнэ, тус намын сонгуулийн менежер О.Амартүвшин нар байрандаа унтаж байхад нь олимпын аварга Н.Түвшинбаяр согтуу очиж зодсон дуулиан дахиад дэгдэж байв. Одоогийн Булган аймгийн Засаг дарга Б.Ариун-Эрдэнэ, МҮХАҮТ-ийн Ерөнхийлөгч О.Амартүвшин нар Н.Түвшинбаярын “хохирогч” болж байсан гэсэн үг л дээ. Хэдийгээр Ерөнхийлөгч Х.Баттулга уг зодооныг үгүйсгэж, “Манай Түвшинбаяр тэгж явах хүн биш” гэж цээжээрээ хамгаалсан боловч зодоон болсон шөнө Н.Түвшинбаяр Булган аймгийн эрүүлжүүлэн саатуулах байранд “агсан согтуу тавьж, бусдыг гэмтээсэн” хэргээр хүргэгдэж очсон нь баримттайгаа дэлгэгдсэн билээ.

Харин өнгөрсөн баасан гарагт олимпын аварга Н.Түвшинбаяр архидан согтуурсан үедээ өөрийн багын найз, улсын начин Э.Энхбатыгаа зодож, ноцтой гэмтэл учрууллаа. Олонд мэдэгдсэнээр Н.Түвшинбаярын согтуугаар оролцсон, өдүүлсэн дөрөв дэх зодоон нь энэ болж байна.

Ерөнхийлөгч Х.Баттулгын ба Н.Түвшинбаяр, бусад...

Н.Түвшинбаярыг олимпын аварга болоход нь Х.Баттулгын үүрэг оролцоо, хувь нэмэр асар их байсан гэдэг. Алтын төлөө барилдахаар гарах үед нь Х.Баттулга түүнд "Зөвхөн яаж барилдах вэ л гэдгээ бод. Бусдыг нь ах нь зохицуулна. Амьдралын баталгааг чинь ах нь хангаж өгнө. Тийм болхоор ирээдүйдээ, ар гэртээ битгий санаа зов. Зөвхөн барилдаанаа л бод" гэж урамшуулж байсан гэдэг. Н.Түвшинбаяр тэгж урамшаад ялсан. Тэр цагаас олимпын аварга, МУГТ Н.Түвшинбаяр Ерөнхийлөгч Х.Баттулгын төрснөөс өөрцгүй хуурай дүү нь болсон. Тиймдээ ч өдийг хүртэл түүний алдаа, оноо бүхэнд Х.Баттулгын нэр дагалдаж яваа. Энэ удаад ч бас.

2016 оны дөрөвдүгээр сарын 11-нд Баянгол зочид буудлын гадна тухайн үеийн УИХ-ын гишүүн Х.Баттулгыг цагдаа, тусгай хүчнийхнээс бие, сэтгэлээрээ хамгаалан зогсож байсан хүн бол Н.Түвшинбаяр. Үүнийхээ дараахан буюу 2016 оны УИХ-ын сонгуулиар тэр Х.Баттулгатай хамт АН-аас төрөлх Булгандаа биш, Баянхонгор аймагт нэр дэвшсэн. Тэр уг сонгуульд ялагдсан хэдий ч анхнаасаа ялах гэж биш сурталчилгааны хугацаанд Х.Баттулгын дэргэд байж, олимпын аваргын нэр хүндээрээ түүний карьерийг өсгөж, дэмжигчдийнх нь тоог нэмэх зорилготой оролцсон гэдэг. Түүнчлэн Н.Түвшинбаяр өнгөрсөн онд Монголын Үндэсний Олимпын Хорооны Ерөнхийлөгч болоход нь Х.Баттулгын шууд оролцоо байсан гэх бөгөөд “2016 оны сонгуульд өөрт нь хүчин зүтгэснийх нь шагналыг өгч байна” гэх шүүмжлэл ч гарч байв. Өөрөөр бол, 2007 оны олимпоос хойш Х.Баттулгаас салаагүй, олимпын аваргын нэр хүндээрээ цаг ямагт дэмжиж, тэр чинээгээрээ хайр ивээлийг нь хүртэж ирсэн хайртай ганц дүү нь юм. Гэтэл одоо Н.Түвшинбаярт төрснөөс өөрцгүй хуурай ах Х.Баттулгыгаа дэмжиж ажиллах нэр хүнд үлдсэнгүй. Удахгүй болох Ерөнхийлөгчийн сонгуульд Х.Баттулгыг Булган нутгийнхандаа сурталчилна гэвэл амруугаа алгадуулах байх. Бор дарсанд хөлчүүрхэж, багын найзаа үхлүүт болтол зоддог олимпын аваргын үгэнд одоо хэн ч итгэх билээ. Цаг хугацаа л мартагдуулж магад гэхээс Н.Түвшинбаярын нэр хүнд одоо бол "шалдаа буугаад" байна.

Ерөнхийлөгчийн сонгууль ойртох тусам Х.Баттулгын хүмүүс нэг нэгээрээ "унасаар". Сайд байхаасаа гар нийлж, хамтарч, бүхий л цаг үед салаагүй А.Гансүхийнх нь албан тушаал дээсэн дөрөөн дээр байгаа. "Оросоос 20 мянган ам.доллар оруулж ирсэн", "Б.Баасанцогтыг ашиглаж шүүхийг гартаа авсан" гэх дуулиануудад нэр холбогдож, нэр хүнд нь ч "навс" унасан. "Херо" Б.Баатар, МҮХАҮТ-ийн Ерөнхийлөгч О.Амартүвшин нарыг Х.Баттулгын гол түшиц болж үлдлээ гэж байсан ч бас л Н.Түвшинбаярын зодооны дуулиан нэр холбогдож, бас л нэр хүнд нь авах юмгүй болж байна. Ер нь түүний хүмүүсээс "хүн" үлдэхгүй нь бололтой.

Н.Түвшинбаярын дөрөв дэх зодооны ХОХИРОГЧ нь түүний хөгшрөхөөрөө хамт байх НАЙЗ НЬ

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 27

Сэтгэгдэл үлдээсэн: 2025-07-24 15:59:52

анти урвагч: Төвшинбаяраас гадна улс орноосоо урваж гадаадын тагнуулын байгууллагатай ажиллаж урвасан ялтан янхан авгай хулан олны нүднээс далд баймаар байна тв болон сошиалаар гаргаж ард түмнийг стресстүүлэхийг хориглох хэрэгтэй
Сэтгэгдэл үлдээсэн: 2025-07-24 11:58:14

Т .ГАНЗУЛ: ЭНХБАТ АГСАНТАЙ СЭЭГСДЭЭД ГАРДУУЛСАН МИНИЙ БУРУУ! МИНИЙ НУА ТӨВШӨӨ АЙМААР ХАРТАЙ МӨРТЛӨӨ ХҮҮХЭНСЭГ
Сэтгэгдэл үлдээсэн: 2021-04-12 17:27:13

byambasuren: muul bndaa aldar ner alban tushaal ed hurungu ni sagaad ireheer iim yum blj bgaan ug ni ih l daruuhan awarga yum bndaa gj bodoj bsan ugui l yum bn odoo enhbat nachin eruul enh bgasaa burhan urshuug
Сэтгэгдэл үлдээсэн: 2021-04-12 17:16:12

Иргэн: Зодоонд ерөнхиилэгч ямар хамаа бнаа туйлширха болимоор юм гэхдээ спорт урлагынхан спорт урлагаараа л дэлхийд нэрээ гаргаад явж байвал энэ нь монгол улсад оруулжбайгаа хувь нэмэр н тэрннээс биш албан тушаал тэдэнд ахдана тэд тархигүй булчин царай зүстэй хүмүүс ...
Сэтгэгдэл үлдээсэн: 2021-04-12 17:09:54

Kkkk: Arhi uugaad zodoldson zodooniig uhsendee uls turjuulj oilogdog mal zaraitai maluud ve
Сэтгэгдэл үлдээсэн: 2021-04-12 17:09:37

Kkkk: Arhi uugaad zodoldson zodooniig uhsendee uls turjuulj oilogdog mal zaraitai maluud ve
Сэтгэгдэл үлдээсэн: 2021-04-12 17:07:33

Зочин: Булган аймгийн Засаг дарга гуай, Энэ эрсдэлтэй үед аймаг орноо эзгүй орхиод Намын хурал баахан хүмүүс дагуулж явдаг чинь ёс зүй юу, Санаа муу бол Заяа муу гэж үг байдаг, Та аймгийн дарга болохоос АН дарга бус байх
Сэтгэгдэл үлдээсэн: 2021-04-12 17:06:56

ЖЕКО: ЖЕНКОГООС САЛАХ МИНЬ
Сэтгэгдэл үлдээсэн: 2021-04-12 16:11:06

Зочин: Энэ ерөнхийлөгч гэж олигүгүй амьтан бн аа. Салбал таарна
Сэтгэгдэл үлдээсэн: 2021-04-12 16:08:43

сэтгэгдэл: Мэдэгдээд байдаг юм КАЗАХЫН бөх алтын төлөө тэгж барилддаггүй л байхгүй юу, бас солонгосын бөхийг 3-р тойрогт байх хийцэн ш дээ,
Сэтгэгдэл үлдээсэн: 2021-04-07 12:04:54

Сараа: Ариун эрдэнэ Амартүвшин 2 но-той шүү. Бас тэр архи!! Би Амартүвшинг Булганых гэж боддоггүй! Увсынх шдээ! Тэгэхээр зодуулсан хувийн өс хонзон бас увсын мафи + С. Эрдэнэ нарын найруулсан хор үр өгөөжөө сайн өгч байндаа 100 % туслаа гж харагдаж бгаа. Бүх юмыг хуучин дарга Эрдэнэбат руу чихээд!! Гэсэн ч ард түмэн мэргэн ухаантай шүү. Баттулгыгаа сонгоно.
Сэтгэгдэл үлдээсэн: 2021-04-07 12:04:43

Сараа: Ариун эрдэнэ Амартүвшин 2 но-той шүү. Бас тэр архи!! Би Амартүвшинг Булганых гэж боддоггүй! Увсынх шдээ! Тэгэхээр зодуулсан хувийн өс хонзон бас увсын мафи + С. Эрдэнэ нарын найруулсан хор үр өгөөжөө сайн өгч байндаа 100 % туслаа гж харагдаж бгаа. Бүх юмыг хуучин дарга Эрдэнэбат руу чихээд!! Гэсэн ч ард түмэн мэргэн ухаантай шүү. Баттулгыгаа сонгоно.
Сэтгэгдэл үлдээсэн: 2021-04-07 07:15:15

Д: Баатар чи наад хэдийнхээ ууж эхэлсэн шангрила дээр бсан даа. Улбар шар малгаы өмсчихсөн тэндээс гарч ирсэншдээ.
Сэтгэгдэл үлдээсэн: 2021-04-06 23:18:09

Vher: Yaah gej uls turd hutgadag ym beee....battulga ********. Alban tushal erh medel mungu l nz nuhdiig iim bolgoj bgaash dee sdakuda zvgeerl sportoo huuhgvi nowshnuud
Сэтгэгдэл үлдээсэн: 2021-04-06 20:42:27

Irgen: Hairan saihan zaluu hvnii eruul mend ami nas l chuhal buruu sehej dee
Сэтгэгдэл үлдээсэн: 2021-04-06 20:36:00

Хамт байсан : Хамт архи ууж согтуурч байгаад явсан Амартүвшин.Ариунэрдэнэ гэсэн хүмүүсийг шалга.
Сэтгэгдэл үлдээсэн: 2021-04-05 21:13:28

Цэлмэг: Уух ёсгүй архи унтаж болохгүы хүүхэн гэгч болж дээ
Сэтгэгдэл үлдээсэн: 2021-04-05 18:51:50

З: Овоо босгоогүй бол шаазгай юунд суух вэ дээ. Хамт аохи уучихаад одоо болохоор бүгд гэмгүй царайлаад.Тэгэхээс тэгэх гэж Энхбат нь босож ирээд үнэнийг илчлээсэй. Хоёр найзыг зодолдуулахыг бодоход хооронд нь их том яс хаяжээ.
Сэтгэгдэл үлдээсэн: 2021-04-05 16:11:30

Irgen: Hun zodood araas ni hamgaaldag jonhuu baigaa geed davarch yavidag nuhur baina naiziigaa hund gemteechiheed uuchlalt guij chadahgui novshiin amitan baina
Сэтгэгдэл үлдээсэн: 2021-04-05 13:30:05

Irgen: Tanhai balmad hvn hunshgvi er
Сэтгэгдэл үлдээсэн: 2021-04-05 13:23:55

зочин: Өө ийм хүн хог байсан юмуу? Нутаг усныхаа нэр хүнд цаашлаад бөхчүүдийнхээ нэр хүндийг навс унагасан муйхар хүчнээс өөр юмгүй хоосон толгой байжээ. Харамсалтай байна. Ард түмний татварын мөнгөөр цалинжиж байдгаа мэддэг болов уу? Тэр олимп молимп цаашаа хүн чанар гэдэг юм энэ хүн дүрстэнд алгаа.
Сэтгэгдэл үлдээсэн: 2021-04-05 12:29:24

Hh: Тэр орой Ариун эрдэнэ Амар түвшин 2 шангрилагын 1 давхарт хамтдаа архи уугаад хоол идээл сууж бсан даа худалаа ярихаа болиочээ өөр зөндөө хүмүшс бсан Сүндийгийн Ундрах гж нэг согтуу хүүхэн нтр бсандааа
Сэтгэгдэл үлдээсэн: 2021-04-05 11:51:04

Хх: Өө арай ч ийм архичин гудамжны зодоонч гэж бодсонгүй Нэр хугархаар яс хугар аа гэж
Сэтгэгдэл үлдээсэн: 2021-04-05 10:27:49

З: Тэр засаг дарга Амартүвшин нар хариугаа авах хор найруулж Түвшинбаяраас хариугаа авсан юм бишүү?
Сэтгэгдэл үлдээсэн: 2021-04-05 09:46:50

Irgdn: Ygaasaa hymyujilgyi hyn bain l daa sard abdag 10 n heden say n ihedeed en tendees abdag mungu hatgaad syylgdgyi bhaa jinhene ork bn odoo yaaj shyyhiin yamar yal abhiin harii da
Сэтгэгдэл үлдээсэн: 2021-04-05 08:51:06

Хүн: Бүр архагшчихсан архичин, зодоонч байна шүү дээ. Жирийн иргэн ингэсэн бол өдийд шоронд оо , шоронд. Ардчилсан намынхан гай л чирнэ. Гайгаа эхлэчихлээ.Баттулга ерөнхийлөгч өө!намынхан чинь ковид тараах даалнсвартай юмшиг л бидэнд халдвар тараах бүхнийг хийгээд явна.
Сэтгэгдэл үлдээсэн: 2021-04-05 08:49:15

Зочин: Алдар хүнд,нөлөө бүхий хүний хүний нэр төр,нөлөөгөөр олон олон хэргээс мултарсандаа сагаж эцэст нь шоронгийн хаалга татахдаа тулсан байна буруу эрхэлсэн хүүхэд бухын хүзүүнээс чанга гэж энэ дээ