• Өнөөдөр 2024-03-29

ГЕГ-ын дарга Б.Асралт хүрз битгий хэл хэдэн мянган машин нүүрстэй холбоотой

2022-12-08,   746

             ГЕГ-ын дарга Б.Асралт “Би хүрз нүүрс ч аваагүй” хэмээн хэллээ. Тиймээ, энэ бол үнэн. Учир нь Б.Асралтад хувьдаа завших, нүүрс хулгайгаар давуулах ямар нэг уул уурхайн компани байхгүй. Гэвч тэр албан тушаал, эрх мэдлээ ашиглан хэдэн мянган машин нүүрс хилээр гарахад гарын үсэг зурж, тамга дарсан байх магадлалтай нэгэн. Тухайлбал, ГЕГ-т “дархлагдсан”, “Сү.Батболдын” гэх тодоос тод, томоос том хаягтай явж ирсэн Б.Асралт, ГЕГ-ын Гаалийн бүрдүүлэлтийн дарга Д.Зоригоо болон Гашуунсухайт дахь гаалийн газрын дарга Л.Ганбаяр тэргүүтэй Гаалийн удирдлагууд 1.9 сая тонн нүүрсний хулгайн хэрэгт “Нүүрсчдийн бүлэглэл”-тэй хамтарсан байж болзошгүй аж. Нэг үгээр бол тэд “Нүүрсчдийн бүлэглэл” таван жилийн хугацаанд улсын хилээр 1.9 сая тонн нүүрс хулгайгаар гаргаж байхад тэд огт мэдээгүй, эсвэл зүгээр хараад сууж байсан байж огт таарахгүй юм.

 хамаг хариуцлагыг нь хүлээх Б.Асралт суудалдаа үлдэж чадсан нь Сү.Батболд  түүний арыг хамгаалж буй хэрэг

             Сү.Батболдын эхнэрийн дүү болох Б.Асралт нь 2017 онд 1.2 тэрбум төгрөгийн хэрэгт эрх мэдэл, албан тушаалаа урвуулан ашигласан гэх хэрэгт холбогдож байв. Мөн 2017 оны зургаадугаар сарын 30-ны А/162-р тушаалаар нэр бүхий дөрвөн компанид давуу байдал бий болгох зорилгоор, сонгон шалгаруулах журам зөрчин, тусгай зөвшөөрөл олгожээ. Энэхүү хэргээ олон нийтийн сүлжээгээр хүлээн зөвшөөрч  2017 оны аравдугаар сарын 3-нд хууль зөрчсөн шийдвэрээ хүчингүй болгож байв. Гэвч нэр бүхий компаниуд 1.2 тэрбум төгрөгөөр үнэлэгдэх барааг хил, гаалиар татваргүй оруулж, улсыг хохироосон хохирол өнөөдрийг хүртэл нам жим дарагдаж ирлээ. Үүнээс гадна 2019 онд гаалийн 34 ажилтан авлига авсан нь тогтоогдсон.  Тухайлбал, Замын-Үүдийн Гаалийнхны “мафийн сүлжээг” илрүүлж, хэсэг хүмүүст хариуцлага тооцож ажлаас нь чөлөөлж байлаа. Гэвч хамаг хариуцлагыг нь хүлээх Б.Асралт суудалдаа үлдэж чадсан нь Сү.Батболд  түүний арыг хамгаалж буй хэрэг. Нэг үгээр бол Сү.Батболд хүчтэй байгаа цагт Б.Асралт ГЕГ-ын даргын зөөлөн суудалдаа сууж, эрх мэдэл, албан тушаалаа ашиглан, авлига авч хилээр хууль бус бараа, тээвэр гаргахад цааргалаад байхгүй гэсэн үг.  Тэгэхээр 1.9 сая тонн нүүрсийг хууль бусаар гарсан хэргийн ард жирийн нэг гаалийн ажилтан байх боломжгүй. Тиймээс хууль хяналтын байгууллага нүүрсний хулгайн хэргээр нэр холбогдуулан шалгах ажлаа  ГЕГ-ын дарга Б.Асралтаас эхэлсэн нь дээр болов уу.

маш нарийн зохион байгуулалттай “сүлжээний” гэмт хэрэг болох нь батлагдаж байгаа аж.

             Хууль хяналтынхан дээрх 1.9 сая тонн нүүрсийг гаалийн бүрдүүлэлтгүйгээр хууль бусаар хил давуулсан хэргийг шалгах явцад төрийн түшээд, эрх баригч намын нэр бүхий хүмүүс, “Эрдэнэс тавантолгой” ХК-ийн нэр бүхий албан тушаалтнууд, татвар хураамжаас зугтах гэсэн төрд эзэнтэй нүүрс тээврийн компаниуд, ГЕГ болон Гашуунсухайт дахь гаалийн газрынхан гээд асар олон хүн оролцсон, маш нарийн зохион байгуулалттай “сүлжээний” гэмт хэрэг болох нь батлагдаж байгаа аж.

             ГЕГ-ын дарга Б.Асралт нь ямар нэг авлига, албан тушаал, эрх мэдлээ хэтийдүүлсэн хэрэгт нэр холбогддог ч хариуцлага хүлээж байсан удаагүй. Тиймээс хүн бүхний нүд, чихээ бүлтэлзүүлэн анхаарал хандуулж буй  1.9 сая тонн нүүрсний хулгайн хэргээс чимээгүйхэн мултраад үлдчих юм биш биз.

 


ГЕГ-ын дарга Б.Асралт хүрз битгий хэл хэдэн мянган машин нүүрстэй холбоотой
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188