• Өнөөдөр 2024-03-29

Ж.СҮХБААТАР:Засгийн газар 318 тэрбум төгрөгөөр 457 автобус авахаар тооцсон

2022-09-28,   638

Нийслэл Улаанбаатар хотын авто замын түгжрэлийг хэрхэн бууруулах талаар Хотын сайд Ж.Сүхбаатар мэдээлэл өглөө.


Тэрбээр "Түгжрэл бууруулах ерөнхий аргачлал нь нийтийн тээврийг хүртээмжтэй болгох гэж харж байгаа юм. 2009 онд С.Баярын Засгийн газрын үед 400 автобус авсан байна. 13 жилийн өмнө парк шинэчлэлт хийсэн гэсэн үг. Одоо нийт автобусны 75 хувь нь арваас дээш жилийн насжилттай болсон байна. 576 автобус ашиглалтаас гарахаар хүндрэл үүснэ. Хоногт хоёр сая 800 мянган хөдөлгөөн хийж буйн нэг сая 800 мянга нь хувийн машин байна. 685 мянга нь нийтийн тээврээр, 300 гаруй мянга нь явганаар зорчиж байна.

Бид хувийн машинаар зорчих хөдөлгөөнийг нэг сая 500 мянга болгоё. Нийтийн тээврээр зорчигчдыг нэг саяд хүргэе. Явган зорчигчдыг 64 хувиар нэмэгдүүлье хэмээн төлөвлөж байна. Парк шинэчлэлийг гүйцээхэд Засгийн газар 318 тэрбум төгрөгөөр 457 автобус авахаар тооцсон. Ирэх онд нийтийн тээврийн шинэчлэлтийг бүрэн хийж дуусгана" гэлээ. 


Ж.СҮХБААТАР:Засгийн газар 318 тэрбум төгрөгөөр 457 автобус авахаар тооцсон
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188