Улаанбаатар хотын булан тохой бүр ийм байна гээд бод доо. Гэр хорооллын аль ч гудамжинд очиход л авто машин бүү хэл хүүхэд, хөгшид явах аргагүй болтлоо зам нь эвдэрч, борооны ус тогтож, живэх нь холгүй байна. Зунжин үерийн усанд “амьдарч", намар орой орсон бороонд аргагүйн эрхэнд шалбааг туучиж яваа хүүхдүүд эхнээсээ ханиад хүрээд эхэллээ. Өдрийн хагаст бороо ороход л “Урсаж” мэдэх Улаанбаатарын унхиагүй дарга нар юу хийж суудаг бол. Иргэд нь энд, тэндгүй уртын харайлалтаар хичээллэж, үсрээд буух тоолондоо дарга нар албан өрөөндөө юу хийж суудаг бол гэж эрхгүй бодоход хүргэж байна. Иргэдийн энэ их бухимдал, зам, шалбаагны асуудлыг шийдээд өгөөч гэх хүсэлтийг сонсоод тэдний ядаж л ичих булчирхай ажилладаггүй юм байх даа.

Гарц хайгаад, гаргалгаа сэдээд өгөх дарга энэ нийслэлд байдаг болов уу