“Оюунлаг ирээдүйн төлөө” уриатай Эргэлт.мн мэдээллийн сайт 2020 оны есдүгээр сарын 9-нд мэдээ, мэдээллээ үзэгч олонд хүргэж, албан ёсны үйл ажиллагаагаа эхлүүлсэн билээ.

    Эргэлт.мн мэдээллийн сайтын хамт олон нь сэтгүүл зүйн шилдэг бүтээлд олгодог “Балдорж” сангийн шилдэг төслийн уралдаанд “Ковид-19” ба монголчуудын амьдрал” төслөөрөө шалгарч, Монголын анхны “Балдорж” шагналт редакц болсон. Түүнчлэн 2021 оны шилдэг мэдээллийн сайтаар шалгарч, МСНЭ-ийн “Ган үзэг” шагналт редакц болсон юм.

    Мөн Эргэлт.мн мэдээллийн сайт сэтгүүлч, уран бүтээлчдийнхээ шилдгийн шилдэг бүтээлүүдийг эмхэтгэн “ЭРГЭЛТИЙН НОМЫН САН” цуврал 10 ном бүтээж, уншигчдын хүртээл болгосон. Монголын сэтгүүл зүйн салбарт өмнө нь бие даасан чөлөөт редакц нийтлэл, ярилцлага, хөрөг, тэмдэглэл, сурвалжилга тэргүүтэй бичлэгийн бүхий л төрлөөр бичсэн бүтээлүүдийг цогцоор нь багтаасан 10 ном буюу 2600 гаруй хуудас бүхий баримт, гэрэл зураг хавсаргасан бүтээлийг нэг дор хэвлүүлж, олон нийтэд хүргэж байгаагүй. Тиймээс энэхүү “ЭРГЭЛТИЙН НОМЫН САН” цуврал нь нэг редакцаас “төрсөн” бүтээлүүдийн цуврал гэдгээрээ Монголын сэтгүүл зүйн салбарт анхдагч болсон юм. Эргэлт.мн мэдээллийн сайт гурван жилийн ойд зориулан "Эргэлт" сонины тусгай дугаараа уншигч олонд хүргэсэн билээ.

    Мөн Эргэлт.мн мэдээллийн сайт сэтгэл зүйн бүх л төрөл зүйлийг багтаасан “Эргэлт” сэтгүүлийн гурван дугаараа уншигч олонд хүргээд байна. Түүнчлэн "Монголын шилдэг нийтлэл" эрдэм шинжилгээ, судалгааны төв ТББ-аас эрхлэн гаргадаг "Монголын шилдэг нийтлэл" цуврал 99 ботийн 88 дахь цуврал бодит Эргэлт.мн мэдээллийн сайтын сэтгүүлчид уран бүтээлээ хэвлүүлэн гаргасан амжилттай дөрвөн жилийн ойгоо угтаж байна.

     Эргэлт.мн мэдээллийн сайтын уншигч, үзэгч, уран бүтээлчдэд дөрвөн жилийн ойн баярын мэнд хүргэе.