Дорнод аймгийн Халхгол суманд адуу хүн рүү дайрч, хазаж, гэмтээж буй бичлэг олон нийтийн сүлжээнд цацагдсан. Хүн хазсан адуу галзуурсан байсан эсэх талаар Халхгол сумын Засаг даргаас тодрууллаа. Тэрбээр “Хүн хазсан адууг эзэн нь хөдөө авч явсан. Тухайн адуу галзуураагүй байсан. Харин унага байхдаа эхээсээ өнчирч, гэрийн тэжээвэр амьтан шиг байсан юм билээ. Тэгээд хүнээс айхаа мэдэхгүй өлсөж, цангахдаа хүн рүү дайрч, адгуусны араншингаар хүн хазсан гэх тайлбарыг өгөөд байгаа. Адууны эзэн цагдаагийн газар шалгагдаж байгаа. Нохой хүн урвал эзэнд нь хариуцлага тооцдог шиг адууны эзэн хуулийн хариуцлага хүлээж магадгүй нөхцөл байдалтай байгаа. Адуунд хазуулсан хүн аймгийн эмнэлэгт хэвтэн эмчлүүлж байгаа. Аминд нь хүрэх асуудал үүсээгүй ч биеийнх нь нөхцөл байдал хүнд байгаа” гэсэн юм.