Элсэлтийн ерөнхий шалгалтын оноогоор тэргүүлсэн эхний 60 сургуулийн жагсаалт олон нийтийн сүлжээгээр ил болсон. Тодруулбал, “Оюунлаг”, “Сант”, “Шинэ монгол харүмафүжи”, Орхон аймгийн Баян-Өндөр сумын “Билэгт өргөө”, “Шинэ эхлэл”, “Хүмүүн”, Нийслэлийн 11 дүгээр сургууль, “Эрхэт эрдэм”, “Шинэ монгол”, МУИС-ын харьяа ахлах сургууль эхний аравт жагссан байдаг. Энэхүү жагсаалтыг хаанаас гаргасан талаар Боловсролын үнэлгээний төвийн Чанарын үнэлгээний албаны мэргэжилтнээс тодруулахад “ЭЕШ-ын оноогоор тэргүүлсэн эхний 60 сургуулийн жагсаалтыг манай төвөөс гаргаагүй. Манайх албан ёсны жагсаалтаа олон нийтэд мэдээлдэггүй” гэсэн юм.